शब्दांचे कोरेन्टाईन.....

माझ्या शब्दांनाही मी
आता नाईलाजाने
'कोरेन्टाईन' केलंय
आणी लावलाय कवितेवर
माझ्या निग्रहाचा 'कर्फ्यु'

जागतीक कविता
दिनानिमीत्त
संभाव्य कवितांची
गर्दी टाळण्यासाठी
मी जपलेही आहे
विलगीकरण माझे.....

भरल्या शहरातील या
सुन्या रस्त्यावर
गळताहेत एकेक पाने
आणी मी आत रोखून
धरलाय फुलो-याचा हंगाम
तुझ्या साथीची साखळी
तुटण्याची वाट पाहत...

(प्रताप)   21/3/2020
# कोरोना   जागतिक कविता दिन#