अंतरात...

हंबर अंबर

चकाकी

हृदयकुल

वारा

चांदगुणाचे

प्रितधारा

विज मालवून गेला

पाऊस दुर देशी

वचन शिल्लक त्याचे

विजनातील पानगळीशी

देवून चेतना रंग

धुळ पुसून गेला

रंगवून धरा पदर

कंच हिरवा ओला

हिरवी ऋतू स्वप्ने

त्याचा सजिव पेरा

वर्षावेल पून्हा फिरून

तो उमाळ्याच्या प्रितधारा..........

₱Ɽ₳₮₳₱)

रचनापर्व 

www.prataprachana.blogspot.com

जिवबंध

जिवबंध असा हरसाली

पाषाणाला कळतो

जिवनधारा बनून धरेचा

पाऊस ईथे भळभळतो!

₱Ɽ₳₮₳₱)

रचनापर्व 

www.prataprachana.blogspot.com

भिस्त

जाणते गोकूळ हृदय

जणू उद्याचे अस्त

म्हणून त्याची तेजस्वी

मोरपिसावर भिस्त

अंधार जरी का भवती

नाद रेखतील रस्ते

वृंदावनही हरखेल मग

सूर बासरी अहिस्ते!

₱Ɽ₳₮₳₱)

रचनापर्व 

www.prataprachana.blogspot.com

कंच पिसारे...

प्राणातले ढग सखे बघ

असे दाटके ओथंब ओले

कोण गावची हवा अनावर

मुकमुक्याने त्यासी बोले

खबर नसे की त्याला ठिय्या

वाहत जाती मुके बिचारे

स्वमग्न धरतीवरती फूलत

असता कंच पिसारे....

₱Ɽ₳₮₳₱)

रचनापर्व 

www.prataprachana.blogspot.com

परिसंस्था....

पृष्ठभागावर बसून

रिश्टर स्केलवर 

उमटणा-या

उंचसखल रेषेवरून

जरी कळत असेल

भुकंपाच्या तिव्रतेचे 

मापन......

मात्र त्यात उमटत नाही...

भुगर्भातील लाव्ह्याची 

उबाळ,घूसमट,दशा,दिशा..

तूटत राहतात शैलखंड

आतल्या आत...

आणी पृष्ठावर

खंडच्या खंड तूटून

होत राहते त्यांचे 

प्रस्तरभंगी निर्गमन....

मग युगा नंतर कोणी

करतो सखोल संशोधन 

आणी दूरवरचे हे 'दोन' खंड

पुर्वी 'एकच' परिसंस्थेत विलिन 

होते म्हणून मिळवतो 

वाहवा!

लाव्हा असा निनावी

फिरत असता अंतरात

एखाद शब्द थवा

या खंडाकडून त्या खंडाकडे

करत राहतो देशांतर..

आणी शोधत राहतो...

ती भूतकाळातील...

एकच असलेली परिसंस्थेच्या खुणा !

₱Ɽ₳₮₳₱)

रचनापर्व 

www.prataprachana.blogspot.com

सृजन मारवा

झाडातून उगवून यावा

घनओला शब्दगारवा

कविता सूर देते

सृजनाचा हळवा मारवा

गेल्या पडून धारा 

जणू साजन निघून गेला

निनाद ठेवून अंतरी

अलगद गर्त ओला

मी थेंबे थेंबे सांधतो

सैलावणारी उत्सूक माती

शब्दाआडून जन्मांतराचे

महाकाव्ये निनादती....

₱Ɽ₳₮₳₱)

रचनापर्व 

www.prataprachana.blogspot.com

कृष्णरंगी

ढग आले सखे

कृष्णरंगी भवताली

धरित्रीला पांघराया

राधारंगी शाली

सूर निनाद बासरी

इंद्रधनूची हाक

सृष्टीस गोंजारते

वृंदावनी आर्त हाक

₱Ɽ₳₮₳₱)

रचनापर्व 

www.prataprachana.blogspot.com

अंतरात....

अंतरात किती कविता
निपचित कैद माझ्या
मूक वेदनेस जाणना-या
त्या निष्णात वैद माझ्या.....


₱Ɽ₳₮₳₱)
रचनापर्व
www.prataprachana.blogspot.com

आकांत ओवी

उजवू कूठली दिशा

देशांतर माझे संपण्या

रचू कुठली आकांत ओवी

अंतरंग शिळेचे कंपण्या?

₱Ɽ₳₮₳₱)

रचनापर्व 

www.prataprachana.blogspot.com

.

मुळ जतावे बाई !

वृक्ष मुळा उघड्या

मातीचे अलिंगन हवे

होतील अनाथ अन्यथा

चिवचिवणारे थवे

तूटतील देठावरूनी

घमघमणारी फुले

नसेल फांदी जिवंत

कशास बांधशील झुले?

मुळ जतावे बाई !

राहील झाड हिरवे

उष्ण झळांच्या ठायी

साधण्या आल्हाद गारवे

₱Ɽ₳₮₳₱)

रचनापर्व 

www.prataprachana.blogspot.com

.

सर वाटा....

जाहल्या ढगाच्या कशा

अशा चार वाटा

ना चुंबते मृगसर

तप्त मृदेच्या ललाटा

देह करपले वृक्ष

फांद्याची झाली काटके

पसरेल का आर्द्र हारीने

वस्त्र हिरवे नेटके?

₱Ɽ₳₮₳₱)

रचनापर्व 

www.prataprachana.blogspot.com

.

अत्त दिप भव!

शाक्यमूनी तथागता!

वैशाख पोर्णिमेस

तू पद्मफूलावर पाय देत

अवतरलास !

मात्र !

बूध्दत्व साधण्यासाठी

तू धुंडाळलेस कितीतरी

काटेरी मार्ग!

निकराने निग्रहाने

वैशाखाच्या चंद्राखालीच

तू मिळवलेस शाश्वत

बुध्दत्व!

आणी त्याची तेजोमय शितलता

दिलीस जगावर उधळून !

तू सांगीतलेस तरीही आम्हाला 

स्वंयप्रकाशी व्हा!

अंतरातल्या तमास हटवा 

"अत्त दिप भवो!"

तू लखलखत राहिलास

त्याहून दीप्तिमान!

आणी त्याच चंद्रास 

साक्षी ठेवून केलेस तू

महापरिनिर्वाण!

बहूधा

आम्हाला कायम जाणीव देण्यासाठी

तूझ्या प्रत्यक घटनेस तू ठेवलास

हा वैशाख पोर्णीमेचा चंद्र साक्षीस!

मग आम्हीही त्याला साक्षी ठेवून

गिरवतो तूझा परिपाठ नित्य!!

लखाखता चंद्र कितीही तेजस्वी तरी

परप्रकाशी!

स्वंयप्रकाशाचे तेज त्याहून मोठे! 

अत्त दिप भवो!

अत्त दिप भवो!

₱Ɽ₳₮₳₱)

रचनापर्व 

www.prataprachana.blogspot.com

बुध्द पोर्णिमेच्या हार्दिक शुभेच्छा!

१ मे२०२६

महाभिनिष्क्रमण

तथागता !

तू भेटलास जेंव्हा
राहूल आणी यशोधरेस
पून्हा बुध्द बनून संयत
तेंव्हा कचरले असेल का तूझे मन?
ते तूझे त्यांना निद्रिस्त
असताना सोडून निघणे
तरळले असेल का तूझ्या
सम्यक नजरेत?

म्हणूनच का तू निग्रहाने
कितीतरी मोह मायेवर
विजय मिळवून
प्राप्त केलेलं बुध्दत्व
दीक्षा रूपाने दिलेस
त्यांना पदरात?

आणी त्याचक्षणी तू
साधलंस तुझ्या
महाभिनिष्क्रमणास
यशोधरेच्या
नजरेतील प्रतीक्षारत
मुकअनूमोदन

आणी तेंव्हाच  तूझे
ते "महाभिनिष्क्रमण"
ख-या अर्थानं
बुध्द झालं!

₱Ɽ₳₮₳₱)
रचनापर्व
www.prataprachana.blogspot.com

बुध्द पोर्णिमेच्या हार्दिक शुभेच्छा!
१ मे२०२६

गाठतो गोकुळ

भक्त देई हाक

दचके पांडूरंग

तो टाळतो हारीने 

जाचके अभंग

मौन धारतो असे

जसा डोंगर निश्चल

आणी राखतो प्रयत्ने

ढासळते आत्मबल

रोजची साधना

त्याला करते व्याकूळ

विसरण्या हाक देव

गाठतो गोकुळ

₱Ɽ₳₮₳₱)

रचनापर्व 

www.prataprachana.blogspot.com

लोपणा-या लोककथा

शुष्क पाकळ्यांचे

पाहून अबोली रंग 

जुन्या फडताळाचे

उसवते अंतरंग

त्या शब्दांचे मंद

कवितेत मूरणे

आणी कवितेने मुक

फडताळात झुरणे

कोण जाणेल का कधी

त्या शब्दांच्या व्यथा?

बनन्या आधी त्या

लोपणा-या लोककथा

₱Ɽ₳₮₳₱)

रचनापर्व 

www.prataprachana.blogspot.com

गोपूरम्

मूख्य मंदिर दूर

गोपूरम दावी वाट

ओलांडे सखी नित्य

हाती आरतीचे ताट

नूसतीच खूण ते

मंदिरासाठी उंच खडे 

कुणाच्या मांगल्यासाठी 

जणू कोण वाजवे चौघडे

गाव निजते सुखाने

दूर जागते जशी वेस

कधी नसते अक्षर

ती शब्दावरली रेष 

पिंडीकडे जाता जाता

जशी दिसे दीपमाळ 

गाव गाठण्या ओढीने

ओलांडावा जणू माळ 

कोणी थबकावे असे

नसेल जरी काही

रूढ दाटक्या मनाला तशी

देता येत नाही द्वाही!

₱Ɽ₳₮₳₱)

रचनापर्व 

www.prataprachana.blogspot.com

कालवत नाही?

नजरेचा रिता आस

दृष्टीत निर्वात विश्व

चांद आला हरिणरथाने

सुर्य घेवून गेला अश्व

एक एक चांदणी 

हळूहळूने उगवे

गर्द तमात उमलते

मग स्वप्न एक भगवे

रात उभ्याने चेतते

दिवा मालवत नाही

चांदण्याच्या अंतरी खरेच

काही कालवत नाही?

₱Ɽ₳₮₳₱)

रचनापर्व 

www.prataprachana.blogspot.com

मूक खूलासा

शब्दांचे जूलूम नको ते

आणी नको दिलासा

अनिच्छुक नकार अंधूक

साक्षी मूक खुलासा!

₱Ɽ₳₮₳₱)

रचनापर्व 

www.prataprachana.blogspot.com

नश्वर भास

माझ्या किती कविता

अशाच काठावरती

गीत आत्मधूनीचे तूझ्या 

कायम ओठावरती

हरवतात का झाडे?

घनदाट जंगल असता

की सापडत नसतो नक्की

स्वतःलाच रस्ता?

नयनतळाला कोरड

ना नसते कुठली आस 

का जोजवत असतो मी

नसलेले नश्वर भास?

₱Ɽ₳₮₳₱)

रचनापर्व 

www.prataprachana.blogspot.com

सहस्त्र

भासाचा जरतारी तंतू

बनत नसतो वस्त्र

वास्तवाचे धागे हवेत

त्याला सहस्त्र सहस्त्र!

₱Ɽ₳₮₳₱)

रचनापर्व 

www.prataprachana.blogspot.com

धिराचा हात

तू चालत निघ ना थोडे

पुढे नदीच्या काठी

होतील दोन तिरांच्या

अवचित उरभेटी

करतील हितगुज थोडे

युगाची होईल बात

पहा जमेल तर देण्या

स्वतःस धिराचा हात!

₱Ɽ₳₮₳₱)

रचनापर्व 

www.prataprachana.blogspot.com

मोकलेल धाय

बोलू किती खरे

पडतात चरे

काळजाला!

म्हणू असे काय

मोकलेल धाय

तूला!

कठोर तरी किती

पाषाणाला भिती

तूझी!

दे ना एक हाक

वचनाला राख

निकराने!

₱Ɽ₳₮₳₱)

रचनापर्व 

www.prataprachana.blogspot.com

मैं हूं?

ए मेरे रहेबर कितनी सहेजता से करवाते हो तूम 

हां मै हूं...से मै हूं? तक का सफर...

₱Ɽ₳₮₳₱)

रचनापर्व 

www.prataprachana.blogspot.com

मिसाल

सूनो ना । वाकई तूम बेमिसाल हो।

क्या मेरे पास कोई मिसाल देने के लिए है भी.....?

₱Ɽ₳₮₳₱)

रचनापर्व 

www.prataprachana.blogspot.com

कयामत तक

चन्द लम्हे अता करते

सहेजता मै कयामत तक।

₱Ɽ₳₮₳₱)

रचनापर्व 

www.prataprachana.blogspot.com

खलल

मै क्यों ना काफिर कहू तुम्हे?

मोहब्बत मे खलल गुनाह नही?

₱Ɽ₳₮₳₱)

रचनापर्व 

www.prataprachana.blogspot.com

मुमकिन

चलो ठिक है मेरा इलाज नामुमकिन है।

तुम भी तो कूछ  मुमकिन करते ।

₱Ɽ₳₮₳₱)

रचनापर्व 

www.prataprachana.blogspot.com

सिमटकर

शादी मे गाती है कूछ औरते बिदाई का गीत 

और लाती है धून अपने अंदर सिमटकर अपने घर।

₱Ɽ₳₮₳₱)

रचनापर्व 

www.prataprachana.blogspot.com

तन्हा

मेरे अंदर की तेरी भिड ने

तन्हा कर दिया है मूझे।

₱Ɽ₳₮₳₱)

रचनापर्व 

www.prataprachana.blogspot.com

रेष पुसली...

अमावस्येच्या गर्दतमाचे 

मी दुर्मीळ प्रतिबिंब 

मी तुझ्या भूतलावरचे

एक सूक्ष्म पूसट टिंब 

कसली वाढ ना वृद्धी

ना होते घट कसली 

मी रेष पाटीवरची

हवी तेंव्हा पूसली.....

₱Ɽ₳₮₳₱)

रचनापर्व 

www.prataprachana.blogspot.com

घनघोर उदासी

व्यापून एक उदासी मी 

घनघोर कोसळत असतो

उंचीला नभाच्या तरीही

मातीत मिसळत असतो

धरतीत नसतो थारा

ठेचाळत सागरा मिळतो 

पुन्हा कोसळढग होण्या

मी सुर्याखाली जळतो

₱Ɽ₳₮₳₱)

रचनापर्व 

www.prataprachana.blogspot.com

नको मला भरारी

मी ठिक-या ठिक-या येथे ,घाव असा करारी

घे कापून पंख माझे, नको मला भरारी!

₱Ɽ₳₮₳₱)

रचनापर्व 

www.prataprachana.blogspot.com

शिल्लक

चल! दे परत मला ते ,जे तूला वाहिले होते

हृदयही माझे नाही, जे जपून ठेवले होते

₱Ɽ₳₮₳₱)

रचनापर्व 

www.prataprachana.blogspot.com

ग्वाही!

मी जाऊ कुठे मुक्याने, शिल्लक नसण्या काही

अंतिम दिनास मात्र ,प्रेमाने द्यावी ग्वाही! 

₱Ɽ₳₮₳₱)

रचनापर्व 

www.prataprachana.blogspot.com

नित्य खात्मा

असेल कोणी आत, शाकारत माझा आत्मा

आणी खंजीर ओळखीचा,करतो नित्य खात्मा

₱Ɽ₳₮₳₱)

रचनापर्व 

www.prataprachana.blogspot.com

स्पंदत नाही

हृदय स्पंदत नाही आता, हादरे बसत असता

कोण असे का देते, आपल्याच कोणा खस्ता?

₱Ɽ₳₮₳₱)

रचनापर्व 

www.prataprachana.blogspot.com

कुंद

सांज आली भरतीला

सखे रितेपण दाटे

अनोळख्या पायवाटी

अगणित काटे 

चांद झूरणीचा चढ

चढतो धिमा मंद 

चैत अशी नितळ 

तरी हवा का कुंद?

₱Ɽ₳₮₳₱)

रचनापर्व 

www.prataprachana.blogspot.com

तळ..

तळ गाठेन म्हणूनी सखे

मी देतो तूला हाक

नकोस वाहुन देवू 

प्रवाहात आणभाक

भरोसा काय नदीचा 

ती वाहत अखंड चाले

काठावर तिच्या सवे मी 

सोसत अनंत भाले....

₱Ɽ₳₮₳₱)

रचनापर्व 

www.prataprachana.blogspot.com

जिवनदायी

किती जीवनदायी 

ही अक्षराची वळणे 

आजचा प्रकाश पाया 

निकराने तुझे जळणे!

₱Ɽ₳₮₳₱)

रचनापर्व 

www.prataprachana.blogspot.com

मानवतेचे गाणे

आभाळ पेलण्याला 

आम्हा दिलेस बाहू

दिल्या तूझ्या दिठीने

तेजोप्रकाश पाहू!

 गर्भात तू युगाच्या

पेरली पिंपळपाने

सारून भेद आले 

मानवतेचे गाणे !

मानवमूक्तिच्या प्रणेत्यास सहृदय वंदन!

भारतरत्न डाॅ.बाबासाहेब आंबेडकर यांना नमन!

₱Ɽ₳₮₳₱)

रचनापर्व 

www.prataprachana.blogspot.com

चांदगूणाचे....

अरण्यातले झाड सखे गं!
उभे कसे बघ पित फुलांचे
माहेरवाशिण स्वप्न राखते
ज्या फांदीच्या पर्णझूलांचे

झिलमिल झिलमिल वारा गातो
गीत कुणाचे, शब्द कुणाचे
भाव सखे की तूझ्या आभाळा
लगडून जावो चांदगूणाचे........

₱Ɽ₳₮₳₱)
रचनापर्व
www.prataprachana.blogspot.com

जातं

जात्यावर म्हण सखे

काळजाचे गाणे

टाक एकामाग एक

स्वप्न भरून मूठीने

जोड एक एक शब्द 

पिठ हळूने पडेल

घामभिजला पदर

मुक्याने रडेल

सूपातले सारे

जरी येईल जात्यात

हंबर असू दे

भुकेल्या नात्यात

उगवेल दिस

हसेल दूरडी

कोण्या जोगत्याची

मग भरेल परडी!

₱Ɽ₳₮₳₱)

रचनापर्व 

www.prataprachana.blogspot.com

कवड्याचा खेळ

जटा बांधतो बैरागी

मांडे कवड्याचा खेळ

नाही लागे तरी त्याला

कुंडलिनीचा बघ तळ

कोण अज्ञात दिशेची

तो साधना मांडतो

कमंडलूतील तीर्थ 

तो धरेला सांडतो

थकतो भागतो

तो दिगंत पाहतो

फूल होवूनी स्वतः

तो पिंडीला वाहतो!

₱Ɽ₳₮₳₱)

रचनापर्व 

www.prataprachana.blogspot.com