जाहल्या ढगाच्या कशा
अशा चार वाटा
ना चुंबते मृगसर
तप्त मृदेच्या ललाटा
देह करपले वृक्ष
फांद्याची झाली काटके
पसरेल का आर्द्र हारीने
वस्त्र हिरवे नेटके?
₱Ɽ₳₮₳₱)
रचनापर्व
www.prataprachana.blogspot.com
.
Sunday, June 21, 2026
Friday, May 1, 2026
अत्त दिप भव!
शाक्यमूनी तथागता!
वैशाख पोर्णिमेस
तू पद्मफूलावर पाय देत
अवतरलास !
मात्र !
बूध्दत्व साधण्यासाठी
तू धुंडाळलेस कितीतरी
काटेरी मार्ग!
निकराने निग्रहाने
वैशाखाच्या चंद्राखालीच
तू मिळवलेस शाश्वत
बुध्दत्व!
आणी त्याची तेजोमय शितलता
दिलीस जगावर उधळून !
तू सांगीतलेस तरीही आम्हाला
स्वंयप्रकाशी व्हा!
अंतरातल्या तमास हटवा
"अत्त दिप भवो!"
तू लखलखत राहिलास
त्याहून दीप्तिमान!
आणी त्याच चंद्रास
साक्षी ठेवून केलेस तू
महापरिनिर्वाण!
बहूधा
आम्हाला कायम जाणीव देण्यासाठी
तूझ्या प्रत्यक घटनेस तू ठेवलास
हा वैशाख पोर्णीमेचा चंद्र साक्षीस!
मग आम्हीही त्याला साक्षी ठेवून
गिरवतो तूझा परिपाठ नित्य!!
लखाखता चंद्र कितीही तेजस्वी तरी
परप्रकाशी!
स्वंयप्रकाशाचे तेज त्याहून मोठे!
अत्त दिप भवो!
अत्त दिप भवो!
₱Ɽ₳₮₳₱)
रचनापर्व
www.prataprachana.blogspot.com
बुध्द पोर्णिमेच्या हार्दिक शुभेच्छा!
१ मे२०२६
महाभिनिष्क्रमण
तथागता !
तू भेटलास जेंव्हा
राहूल आणी यशोधरेस
पून्हा बुध्द बनून संयत
तेंव्हा कचरले असेल का तूझे मन?
ते तूझे त्यांना निद्रिस्त
असताना सोडून निघणे
तरळले असेल का तूझ्या
सम्यक नजरेत?
म्हणूनच का तू निग्रहाने
कितीतरी मोह मायेवर
विजय मिळवून
प्राप्त केलेलं बुध्दत्व
दीक्षा रूपाने दिलेस
त्यांना पदरात?
आणी त्याचक्षणी तू
साधलंस तुझ्या
महाभिनिष्क्रमणास
यशोधरेच्या
नजरेतील प्रतीक्षारत
मुकअनूमोदन
आणी तेंव्हाच तूझे
ते "महाभिनिष्क्रमण"
ख-या अर्थानं
बुध्द झालं!
₱Ɽ₳₮₳₱)
रचनापर्व
www.prataprachana.blogspot.com
बुध्द पोर्णिमेच्या हार्दिक शुभेच्छा!
१ मे२०२६
तू भेटलास जेंव्हा
राहूल आणी यशोधरेस
पून्हा बुध्द बनून संयत
तेंव्हा कचरले असेल का तूझे मन?
ते तूझे त्यांना निद्रिस्त
असताना सोडून निघणे
तरळले असेल का तूझ्या
सम्यक नजरेत?
म्हणूनच का तू निग्रहाने
कितीतरी मोह मायेवर
विजय मिळवून
प्राप्त केलेलं बुध्दत्व
दीक्षा रूपाने दिलेस
त्यांना पदरात?
आणी त्याचक्षणी तू
साधलंस तुझ्या
महाभिनिष्क्रमणास
यशोधरेच्या
नजरेतील प्रतीक्षारत
मुकअनूमोदन
आणी तेंव्हाच तूझे
ते "महाभिनिष्क्रमण"
ख-या अर्थानं
बुध्द झालं!
₱Ɽ₳₮₳₱)
रचनापर्व
www.prataprachana.blogspot.com
बुध्द पोर्णिमेच्या हार्दिक शुभेच्छा!
१ मे२०२६
Sunday, April 26, 2026
गाठतो गोकुळ
भक्त देई हाक
दचके पांडूरंग
तो टाळतो हारीने
जाचके अभंग
मौन धारतो असे
जसा डोंगर निश्चल
आणी राखतो प्रयत्ने
ढासळते आत्मबल
रोजची साधना
त्याला करते व्याकूळ
विसरण्या हाक देव
गाठतो गोकुळ
₱Ɽ₳₮₳₱)
रचनापर्व
www.prataprachana.blogspot.com
लोपणा-या लोककथा
शुष्क पाकळ्यांचे
पाहून अबोली रंग
जुन्या फडताळाचे
उसवते अंतरंग
त्या शब्दांचे मंद
कवितेत मूरणे
आणी कवितेने मुक
फडताळात झुरणे
कोण जाणेल का कधी
त्या शब्दांच्या व्यथा?
बनन्या आधी त्या
लोपणा-या लोककथा
₱Ɽ₳₮₳₱)
रचनापर्व
www.prataprachana.blogspot.com
गोपूरम्
मूख्य मंदिर दूर
गोपूरम दावी वाट
ओलांडे सखी नित्य
हाती आरतीचे ताट
नूसतीच खूण ते
मंदिरासाठी उंच खडे
कुणाच्या मांगल्यासाठी
जणू कोण वाजवे चौघडे
गाव निजते सुखाने
दूर जागते जशी वेस
कधी नसते अक्षर
ती शब्दावरली रेष
पिंडीकडे जाता जाता
जशी दिसे दीपमाळ
गाव गाठण्या ओढीने
ओलांडावा जणू माळ
कोणी थबकावे असे
नसेल जरी काही
रूढ दाटक्या मनाला तशी
देता येत नाही द्वाही!
₱Ɽ₳₮₳₱)
रचनापर्व
www.prataprachana.blogspot.com
Saturday, April 18, 2026
कालवत नाही?
नजरेचा रिता आस
दृष्टीत निर्वात विश्व
चांद आला हरिणरथाने
सुर्य घेवून गेला अश्व
एक एक चांदणी
हळूहळूने उगवे
गर्द तमात उमलते
मग स्वप्न एक भगवे
रात उभ्याने चेतते
दिवा मालवत नाही
चांदण्याच्या अंतरी खरेच
काही कालवत नाही?
₱Ɽ₳₮₳₱)
रचनापर्व
www.prataprachana.blogspot.com
मूक खूलासा
शब्दांचे जूलूम नको ते
आणी नको दिलासा
अनिच्छुक नकार अंधूक
साक्षी मूक खुलासा!
₱Ɽ₳₮₳₱)
रचनापर्व
www.prataprachana.blogspot.com
नश्वर भास
माझ्या किती कविता
अशाच काठावरती
गीत आत्मधूनीचे तूझ्या
कायम ओठावरती
हरवतात का झाडे?
घनदाट जंगल असता
की सापडत नसतो नक्की
स्वतःलाच रस्ता?
नयनतळाला कोरड
ना नसते कुठली आस
का जोजवत असतो मी
नसलेले नश्वर भास?
₱Ɽ₳₮₳₱)
रचनापर्व
www.prataprachana.blogspot.com
सहस्त्र
भासाचा जरतारी तंतू
बनत नसतो वस्त्र
वास्तवाचे धागे हवेत
त्याला सहस्त्र सहस्त्र!
₱Ɽ₳₮₳₱)
रचनापर्व
www.prataprachana.blogspot.com
धिराचा हात
तू चालत निघ ना थोडे
पुढे नदीच्या काठी
होतील दोन तिरांच्या
अवचित उरभेटी
करतील हितगुज थोडे
युगाची होईल बात
पहा जमेल तर देण्या
स्वतःस धिराचा हात!
₱Ɽ₳₮₳₱)
रचनापर्व
www.prataprachana.blogspot.com
मोकलेल धाय
बोलू किती खरे
पडतात चरे
काळजाला!
म्हणू असे काय
मोकलेल धाय
तूला!
कठोर तरी किती
पाषाणाला भिती
तूझी!
दे ना एक हाक
वचनाला राख
निकराने!
₱Ɽ₳₮₳₱)
रचनापर्व
www.prataprachana.blogspot.com
मैं हूं?
ए मेरे रहेबर कितनी सहेजता से करवाते हो तूम
हां मै हूं...से मै हूं? तक का सफर...
₱Ɽ₳₮₳₱)
रचनापर्व
www.prataprachana.blogspot.com
मिसाल
सूनो ना । वाकई तूम बेमिसाल हो।
क्या मेरे पास कोई मिसाल देने के लिए है भी.....?
₱Ɽ₳₮₳₱)
रचनापर्व
www.prataprachana.blogspot.com
खलल
मै क्यों ना काफिर कहू तुम्हे?
मोहब्बत मे खलल गुनाह नही?
₱Ɽ₳₮₳₱)
रचनापर्व
www.prataprachana.blogspot.com
मुमकिन
चलो ठिक है मेरा इलाज नामुमकिन है।
तुम भी तो कूछ मुमकिन करते ।
₱Ɽ₳₮₳₱)
रचनापर्व
www.prataprachana.blogspot.com
सिमटकर
शादी मे गाती है कूछ औरते बिदाई का गीत
और लाती है धून अपने अंदर सिमटकर अपने घर।
₱Ɽ₳₮₳₱)
रचनापर्व
www.prataprachana.blogspot.com
रेष पुसली...
अमावस्येच्या गर्दतमाचे
मी दुर्मीळ प्रतिबिंब
मी तुझ्या भूतलावरचे
एक सूक्ष्म पूसट टिंब
कसली वाढ ना वृद्धी
ना होते घट कसली
मी रेष पाटीवरची
हवी तेंव्हा पूसली.....
₱Ɽ₳₮₳₱)
रचनापर्व
www.prataprachana.blogspot.com
घनघोर उदासी
व्यापून एक उदासी मी
घनघोर कोसळत असतो
उंचीला नभाच्या तरीही
मातीत मिसळत असतो
धरतीत नसतो थारा
ठेचाळत सागरा मिळतो
पुन्हा कोसळढग होण्या
मी सुर्याखाली जळतो
₱Ɽ₳₮₳₱)
रचनापर्व
www.prataprachana.blogspot.com
नको मला भरारी
मी ठिक-या ठिक-या येथे ,घाव असा करारी
घे कापून पंख माझे, नको मला भरारी!
₱Ɽ₳₮₳₱)
रचनापर्व
www.prataprachana.blogspot.com
शिल्लक
चल! दे परत मला ते ,जे तूला वाहिले होते
हृदयही माझे नाही, जे जपून ठेवले होते
₱Ɽ₳₮₳₱)
रचनापर्व
www.prataprachana.blogspot.com
ग्वाही!
मी जाऊ कुठे मुक्याने, शिल्लक नसण्या काही
अंतिम दिनास मात्र ,प्रेमाने द्यावी ग्वाही!
₱Ɽ₳₮₳₱)
रचनापर्व
www.prataprachana.blogspot.com
नित्य खात्मा
असेल कोणी आत, शाकारत माझा आत्मा
आणी खंजीर ओळखीचा,करतो नित्य खात्मा
₱Ɽ₳₮₳₱)
रचनापर्व
www.prataprachana.blogspot.com
स्पंदत नाही
हृदय स्पंदत नाही आता, हादरे बसत असता
कोण असे का देते, आपल्याच कोणा खस्ता?
₱Ɽ₳₮₳₱)
रचनापर्व
www.prataprachana.blogspot.com
कुंद
सांज आली भरतीला
सखे रितेपण दाटे
अनोळख्या पायवाटी
अगणित काटे
चांद झूरणीचा चढ
चढतो धिमा मंद
चैत अशी नितळ
तरी हवा का कुंद?
₱Ɽ₳₮₳₱)
रचनापर्व
www.prataprachana.blogspot.com
तळ..
तळ गाठेन म्हणूनी सखे
मी देतो तूला हाक
नकोस वाहुन देवू
प्रवाहात आणभाक
भरोसा काय नदीचा
ती वाहत अखंड चाले
काठावर तिच्या सवे मी
सोसत अनंत भाले....
₱Ɽ₳₮₳₱)
रचनापर्व
www.prataprachana.blogspot.com
Monday, April 13, 2026
जिवनदायी
किती जीवनदायी
ही अक्षराची वळणे
आजचा प्रकाश पाया
निकराने तुझे जळणे!
₱Ɽ₳₮₳₱)
रचनापर्व
www.prataprachana.blogspot.com
मानवतेचे गाणे
आभाळ पेलण्याला
आम्हा दिलेस बाहू
दिल्या तूझ्या दिठीने
तेजोप्रकाश पाहू!
गर्भात तू युगाच्या
पेरली पिंपळपाने
सारून भेद आले
मानवतेचे गाणे !
मानवमूक्तिच्या प्रणेत्यास सहृदय वंदन!
भारतरत्न डाॅ.बाबासाहेब आंबेडकर यांना नमन!
₱Ɽ₳₮₳₱)
रचनापर्व
www.prataprachana.blogspot.com
Sunday, April 12, 2026
चांदगूणाचे....
अरण्यातले झाड सखे गं!
उभे कसे बघ पित फुलांचे
माहेरवाशिण स्वप्न राखते
ज्या फांदीच्या पर्णझूलांचे
झिलमिल झिलमिल वारा गातो
गीत कुणाचे, शब्द कुणाचे
भाव सखे की तूझ्या आभाळा
लगडून जावो चांदगूणाचे........
₱Ɽ₳₮₳₱)
रचनापर्व
www.prataprachana.blogspot.com
उभे कसे बघ पित फुलांचे
माहेरवाशिण स्वप्न राखते
ज्या फांदीच्या पर्णझूलांचे
झिलमिल झिलमिल वारा गातो
गीत कुणाचे, शब्द कुणाचे
भाव सखे की तूझ्या आभाळा
लगडून जावो चांदगूणाचे........
₱Ɽ₳₮₳₱)
रचनापर्व
www.prataprachana.blogspot.com
Sunday, March 22, 2026
जातं
जात्यावर म्हण सखे
काळजाचे गाणे
टाक एकामाग एक
स्वप्न भरून मूठीने
जोड एक एक शब्द
पिठ हळूने पडेल
घामभिजला पदर
मुक्याने रडेल
सूपातले सारे
जरी येईल जात्यात
हंबर असू दे
भुकेल्या नात्यात
उगवेल दिस
हसेल दूरडी
कोण्या जोगत्याची
मग भरेल परडी!
₱Ɽ₳₮₳₱)
रचनापर्व
www.prataprachana.blogspot.com
कवड्याचा खेळ
जटा बांधतो बैरागी
मांडे कवड्याचा खेळ
नाही लागे तरी त्याला
कुंडलिनीचा बघ तळ
कोण अज्ञात दिशेची
तो साधना मांडतो
कमंडलूतील तीर्थ
तो धरेला सांडतो
थकतो भागतो
तो दिगंत पाहतो
फूल होवूनी स्वतः
तो पिंडीला वाहतो!
₱Ɽ₳₮₳₱)
रचनापर्व
www.prataprachana.blogspot.com
Saturday, March 21, 2026
स्वप्नभंगाचा यमक
माझ्या कवितेचा सखे
तू नको तोडू तंतू
आणी नको तुझ्या
मनी किंतू परंतू
ही भावनेची मंत्रधून
मी रोज करे धावा
ही लेप संजिवनी
शांतावतो गर्त घावा
स्वप्नभंगाचा यमक
मी साधतो सरळ
माझ्या दुःखाची बाई
तूला भलती भूरळ!
₱Ɽ₳₮₳₱)
रचनापर्व
www.prataprachana.blogspot.com
होईन मी तारा....
चाललो सखे मी, दूर अनवाणी
उरात माझिया, किती किती आठवणी
झाड पळसाचे बाई,त्याला बघ आग
लाल घडणीचा सुर्य,आणतो ना धग
मी करतो हाकांची, दिर्घ साठवणी...
चाललो सखे मी दूर अनवाणी
होता जागता चांदवा,चांदण्याची कुजबुज
तू राखून ही होती, माझ्या स्वप्नांची बूज
अनाहूत सखे तू केली पाठवणी.....
चाललो सखे मी दूर अनवाणी
गाठेण अज्ञात,शोधेनही दिशा
ध्रुव ता-यालाही देईन मी तूझी आशा
जिकरीने टाळेन आभासांच्या दाटवणी
चाललो सखे मी दूर अनवाणी....
दारी तूझ्या सखे पडो मंजिरीची भूल
मी होईन देवाला तू वाहिलेले फूल
कर माझ्यासवे आता तूझ्या सुखाची आळवणी
चाललो सखे मी दूर अनवाणी....
होईन मी तारा,कुठे तूटून पडेन
तू मागीतले स्वप्न,तस्सेच घडेन!
₱Ɽ₳₮₳₱)
रचनापर्व
www.prataprachana.blogspot.com
कूंजणीचा विलाप
ढग काळे काळे पाहुन चुकला
कुंज पाखरी थवा
कुठल्या युद्ध भुमिची ही
मरण भयाची हवा
आला वसंत म्हणुनी येथे
परतुन निघाले घरा
शांत मनाने कुणी चेतवली
ही सुख शांतिची धरा?
चुकतात आस्मानी रस्ते अन्
फुटतात थवेच्या थवे
हं! शांतिसाठी युद्ध म्हणे !
पोकळ हे गवगवे
नुसतीच धरेवर नसते
आकांत भारली हाक
कुंजनीच्या टाहोलाही
ये वैधव्याची झाक!
शोधत राहते कुंजा
फिरते दिशा दाही
जिव तिचाही होतो
अलबत लाही- लाही
धरणीचा असा हा टाहो
आभाळाला भिडतो
युद्धाच्या मग रणकुशीला
हसरा बुद्ध रडतो!
ती शोधत कलेवर असते
तिच्या प्रिय सख्याचे
आभाळ दाटुन येते
काळया गर्द धुक्याचे
ती शोधते धरेवर सारे
विध्वंस तिला हा दिसतो
दुर ढिगारी मलब्याच्या
पंखाचा तुकडा दिसतो
ती परतुन निघत नाही
ती अग्नीबाणा भिडते
सख्यास तिच्या भेटाया ती
स्फोटा मधुनी उडते!
कोणास हवी ही शांती
जी मरणा आडुन येते
आणी जिवंत ऋतुच्या
चैतन्या खुडुन नेते----
₱Ɽ₳₮₳₱)
रचनापर्व
www.prataprachana.blogspot.com
इराण इस्त्रायल युध्दात वाट चूकणा-या आणी आपल्या जोडीदार गमावणा-या पाखरथव्यास अर्पण....कूंज पक्षी राजस्थानी लोकगीतातील प्रेमाचे प्रतीक असणारा आणी आयुष्यभर आपल्या जोडीदाराबरोबर एकनिष्ठ राहणारा आणी भारतात प्रतिवर्ष येणारा मध्य आशियातील पक्षी
माय मराठी कविता
माय मराठी कविता
गायवासराची जोडी
अंतःकरणी पाझरते
अमृताची गोडी!
ही जनीचा अभंग
ही मनीचा दूभंग
माय मराठीला माझ्या
सावळ्याचा तेजोरंग
ही हृदयाची वाणी
ही पेरणीची गाणी
ही काळ्या मातीतलं
पिक आबादाणी
शिवछाव्याची गर्जना
मावळ्यांची ललकारी
ही शाहिरी डफाची
लावणी अदाकारी
ही फुल्यांचा पोवाडा
ही तुकोबाची गाथा
जात्यावर राबणा-या
माझ्या माऊलीची व्यथा
ही पंचमीची गाणी
ही भिमगीत
म्हणी उखाण्यातून
ही शिकवते रित
ही ज्ञानयाची भाषा
बहिणाबाईचं पाखरू
हे मुकनायकाचे शब्द
जपण्या लेकरू
किती किती थोर
या माऊलीची छाया
पान्ह्यातून झरणारी
ही मुखातील माया!
₱Ɽ₳₮₳₱)
रचनापर्व
www.prataprachana.blogspot.com
आपसूक
नको काढू सखे
मोरांचा माग
त्यांच्या पंखाना येईल
मेघभरी जाग
ते होतील थेंब
भूई करतील ओली
जिव दमून जाईल
मोजताना खोली
ओघळू दे त्यांना
हळू आपसूक
वेचतील त्यांना
प्रेमातील लोक
₱Ɽ₳₮₳₱)
रचनापर्व
www.prataprachana.blogspot.com
ठोकताळा
धुळीच्या ललाटा
कसा लावू पाय?
हंबरते गाय....
काळजातली
झुरत्या फुलांची
मला येते कीव
सूकतो जिव
मनोमन
सरत्या दिनाची
तूला नसे जाण
एकांताची आण
काळजाला.....
नको असे टाकू
जसे उरकते पूजा
नसे कोणी दूजा
अर्चनेत
मला सखे आला
टाळण्याचा कंटाळा
चूकतो ठोकताळा
सदैव तूझा.....
₱Ɽ₳₮₳₱)
रचनापर्व
www.prataprachana.blogspot.com
ढग
मी दृश्य ढग...तुझ्या
फक्त अवकाशी असतो
स्पर्शिता जाणवत नाही
बहूधा असतो.. नसतो...
₱Ɽ₳₮₳₱)
रचनापर्व
www.prataprachana.blogspot.com
रेतबनाची भिरभिर
नसते दिसत कोणा
मृगजळाचे झरणे
आणी मरूतळाला
एकांत नदीचे मरणे
असते तरीही काळीज
मरुद्यानी त्याचे हिरवे
वाळूवर कोणी जिप्सी
अश्रूंनी कविता गिरवे
उठती अनंत वादळे
उडते भिरभिर रेती
सुप्तहाकांचे काफिले
रेतबनी भिरभिरती....
₱Ɽ₳₮₳₱)
रचनापर्व
www.prataprachana.blogspot.com
Subscribe to:
Posts (Atom)
सर वाटा....
जाहल्या ढगाच्या कशा अशा चार वाटा ना चुंबते मृगसर तप्त मृदेच्या ललाटा देह करपले वृक्ष फांद्याची झाली काटके पसरेल का आर्द्र हारीने वस्त्र हिरव...
