माय मराठी कविता
गायवासराची जोडी
अंतःकरणी पाझरते
अमृताची गोडी!
ही जनीचा अभंग
ही मनीचा दूभंग
माय मराठीला माझ्या
सावळ्याचा तेजोरंग
ही हृदयाची वाणी
ही पेरणीची गाणी
ही काळ्या मातीतलं
पिक आबादाणी
शिवछाव्याची गर्जना
मावळ्यांची ललकारी
ही शाहिरी डफाची
लावणी अदाकारी
ही फुल्यांचा पोवाडा
ही तुकोबाची गाथा
जात्यावर राबणा-या
माझ्या माऊलीची व्यथा
ही पंचमीची गाणी
ही भिमगीत
म्हणी उखाण्यातून
ही शिकवते रित
ही ज्ञानयाची भाषा
बहिणाबाईचं पाखरू
हे मुकनायकाचे शब्द
जपण्या लेकरू
किती किती थोर
या माऊलीची छाया
पान्ह्यातून झरणारी
ही मुखातील माया!
₱Ɽ₳₮₳₱)
रचनापर्व
www.prataprachana.blogspot.com
No comments:
Post a Comment