ही वेळ अशी का रिती?
चांद नभात ढळतो
हरणांचा रथ कुठे हा
अज्ञात दिशेला वळतो
राजकन्या कुठली वेडी
शोधण्या कुणाला निघते?
वैभव चांदण्याचे
निळे निळे ती बघते
ती का अनाहूत थबके?
कोण जिव्हारी लागे?
ती अखंड अवकाश शोधे
स्थिर ध्रुवा मागे
मी ही अढळ उधळतो
प्रतिक्षा खुल्या आभाळी
अन् श्वास उमटवून देतो
तिच्या आभास भाळी
ती हळूहळू धुसरते
कोण दिशेला जाते?
हरणांच्या पदध्वनिची
आर्त भूपाळी होते...
("やraτa ₱)
www.prataprachana.blogspot.com
२० .१.२०२४
%20(26).jpeg)
%20(25).jpeg)
.jpg)
