इंद्रधनु तमात सजतो

रात भेगाळते अशी

जसे टिचकते काकण

जरी झाकले डोळ्यावरती

पापण्यांचे झाकण

निरांजनाच्या वळचणीला

अंधार मूठभर सांडे

अर्धउजेडी गात्रात माझ्या

स्वप्नांचे रंगीत तांडे

बकूळ झरतो दारी

निद्रिस्त होता केवडा

मी गंधभारला होतो

निशीगंधाच्या एवढा

अंगाई का सुचते?

मोरणीच्या मना

मी भूईवर रेखत असता

मोरपिसारी खुणा 

का कसे मला

घनघोर अंधार सोसवे?

जळल्या वातीतून झरती

काजळरंगी आसवे

ओल मनाला फुटते

कैफ हळुवार निजतो

दिवा अलगद विझूनी

इंद्रधनु तमात सजतो...

                          ("やraτa ₱)                           

www.prataprachana.blogspot.com

१० .१.२०२४