आसुस धुके हे करडे
हळू हळू बघ निवते
पंखांची आसूस फडफड
अवकाशाला शिवते
कोण पारधी कुठला
पसरून बसला जाळे?
काढून घेतले कोणी
स्वप्नाचे घुंगरवाळे?
बकाल नदीच्या अंतरी
स्वप्नाचे वाहे मंतर
सागर मोजत असतो
नदीस पडले अंतर
या झांजरसांजर वेळी
का हाका अशा फुटाव्या?
लाटांच्या लहरी जात्या
जणू किना-याहून तुटाव्या
तुटली लाट कितीदा
सागर कवेस घेतो
लाटांच्या तळाखाली
सागरही तुटका होतो....
("やraτa ₱)
www.prataprachana.blogspot.com
४. १२.२०२३
No comments:
Post a Comment