आभासगामी....

वारा असा का ओला

हल्ली मजला भेटे?

आभाळडोह तळातून 

येताहे हाक वाटे

नागीण विजांचा लख्ख

विळखा पडून सुटतो

दुर ढगांचा बांध हा

सरी सरीने तुटतो 

काठावर यमुनेच्या

मुक हाकांचा जागर

राधा निश्चल निश्चल

वाहून जाई घागर

गोठे चिंब ओले 

गाईंना वासरघाई

दुर उभी पावसात

निर्वस्त्र आमराई 

एकाकी चिंचोळी वाट

तिलाही घसरण लागे

तरीही मी निघतो

तुझ्या आभासा मागे.....

やraτa प"

www.prataprachana.blogspot.com

१७.६.२०२३