प्रेमझरे

दुवे कुणाचे वसले

आत्म्याच्या भावतळी

हुरहुरते भिरभिरते

माळावरती एक कळी

झुरझुर वाहते एकले

हेमंताचे व्याकुळ वारे

सोनफुलाचे काळीज

अव्यक्त हुरहुरणारे

फकीर कुठली गीते

झोळीत सावडून घेतो

एकांत जुलमी सखा

स्मिताने आवडून घेतो

गातो तीव्र निःशब्द 

तो शब्द आरास रचतो

कुण्या दुरदेसीच्या सजनीला

तो अनाहूत सुचतो

तो असतो आभास धुसर

तो नसतो वास्तव खरे

तरीही त्याच्या चाहुलीने 

तुझ्या अनंतास प्रेमझरे.... 

                           ("やraτa প")                           

www.prataprachana.blogspot.com

  ८. ११.२०२३