नदी अनवाणी....

सुर्यबुडीच्या कुळातुन

संध्यादोय हो मुक्त

अंधाराच्या काळजावर

चांदण्याचे रेखत सुक्त

फुल बाधता बहर

खच फुलांचा पडणारा

शोधावा तो हात सुबक

ताटवा खुडणारा.....

तमाच्या वृक्षास

चांद फुलाचे ताटवे

दुर जात्या वाटेला

पैंजण कुणाचे आठवे?

पाण्यावर सांडे उजेड

संथ जाहल्या गाई

नदी निघाली सागरा

रानावनातुन पायी

बकुळ फुलांच्या राशी

सुगंध मनी का आठवे?

यशोधरेच्या सांत्वनाला

सिध्दार्थ अबोला पाठवे...

दिर्घ चालला तांडा

तुडवत निर्जन वाटा

नदीच्या अलिंगनाला

सागर वाहतो लाटा

चंद्ररंगाचे पाणी 

नदीस अनावर ओढ

हे नदीच्या आत्म्या...!!

तु पात्राच्या सिमा तोड....

(Pr@t@p)

"रचनापर्व "

www.prataprachana.blogspot.com 

(2 सप्टेंबर 2021)