अद्वैती

साजन दुर गेला

ठेवुन मागे हाक

हाकेस त्या हंबराच्या

घुमारे लाखलाख

वनवास असा कसा हा

सितेस वन लागे

झाडांचे आत्मे गेले

मारिच पावला मागे

बेंबीच्या देठामधुनी

हाक अशी का फुटते?

कोण चांदणी वेडी

आभाळातून हमसून तुटते?

नागीण वळणी वाटा

वारुळ वेढत राहते

मनात या अनाम

कोण निरंतर वाहते?

हा कसला खंड पडला?

अखंड कसे व्हावे?

तुला भेटण्या व्याकुळ 

मनी दाटले धावे..

शोधु कसे कुठे

की वृक्षास अलिंगन देऊ?

की तुला खुण पटण्या

मी चुडामण होऊ?

कोणाशी युद्ध पुकारु?

की हसरा बुद्ध होऊ?

की तुझ्या अंतरी येवुन

अद्वैती सिद्ध होऊ?

やraτa प"

www.prataprachana.blogspot.com

१६.४.२०२३