शेवट टिंब

श्वास रोखून धरते
ओठातली आसुस हाक
देवदुताच्या पंखाला
बाधते वैराग्याची झाक

काय असे मी मागु ?
पदरी न जे पडे
कशास फेकु पटलावर
इप्सिताचे शकुनखडे?

धुळीत शोधतो मी
तुझ्या गावच्या वाटा
श्राप दुराव्याचा सजवे
या अधोमुख ललाटा

पंख पसरून शोधतो
पक्षी निर्भयाचे आत्मबळ
तो तळ्याच्या अंतरातली
प्राषुण घेतो कळ

मी त्या तळ्यातील धुसर
तुझ्या सावलीचे बिंब
तु आक्रोशुन लिहिलेल्या
कवितेतले मी शेवट टिंब........

"やraτa प"
"रचनापर्व"
www.prataprachana.blogspot.com
४.४.२०२३