चैत्र निरोप....

हा कस्तुरी गंध

हा फुलांचा ताटवा

गेल्या शिशिरास कुणी

या बहरास भेटवा...!

हा अबोल रंग

ही गडद गुलाबी रेषा

शिशीर घेवून गेला

फेरली नजर भाषा

हा व्याकुळ वळणी रस्ता

वाट भेटते पावली

या शब्दफुलांच्या सड्यात ..

उमटते तुझी सावली..

मी पाहतो झाड

फुले मुळाशी पडले

निरोप कुठला टिपण्या

पक्षी दिगंती उडले

पुढल्या चैत्रापुर्वी

पाखरांनी निरोप आणावा

मग चैत्र बहर फुलांचा 

अवकाशात भिनावा.....

▪ (Pr@t@p)▪

"रचनापर्व "

www.prataprachana.blogspot.com 

(२७ फेब्रुवारी २०२२)