ढगांची विण

ढग उसवते सजणी

काळजाची विण

सोसते कोण?

या ओल्या साजणकळा

आठव थेंबाखाली

रान होते चिंब

नयनी प्रतिबिंब 

हिरवे कोवळे

कोण गाते तृष्णेचे

कंच ओले गाणे

स्पर्शाची धुंद पाने

नव्याने फुटताना

कसले हिरवे शब्द 

धरेला फुटली

माहेरवाशीण कुठली

एकांती मोहरते

विज गं कशाला

आकांत करते

आभाळ झरते

मुकाट्याने.....

झेलू का अखंड 

हा मिलन सोहळा

कोंब आशेचा कोवळा

फुटताना......

"やraτa प"

www.prataprachana.blogspot.com

२४.७.२०२३