हुरहूरे

घायाळ हरिण हसते

बाण तुझा कळवळतो

कसला गंध अनामिक 

करुणेचा दरवळतो?

पारध हवी कशाला

कवटाळत असता सुळ

जिव शिणून मंद होता 

का उठते गोरजधुळ?

मी हिरवे जंगल होऊन

किर्र तरी ना भासे

हे रानफूल गं कोणते

आत खोल सुवासे

मी निर्जन वाटेवरती

दिप कशाला पेटवू?

पक्षी पंखकूशिला

कशास त्यांना उठवू?

मी ऋतूंच्या सावलीला

आडोसा उन्हाचा धरे

पाऊस असा का तुझा

मुक्याने हुरहुरे......

"やraτa प"

www.prataprachana.blogspot.com

२८.७.२०२३