रुणझुण...

नभ आले गं शिवारा

कुठे तुझी हाक?

अंतरीच्या पावसाला

तुझ्या पापण्याची झाक

रान झाले गं हिरवे

तुझ्या असण्याचा रंग

माझ्या मनाच्या सुगीला

तुझ्या फुलव्याचा संग

कशी हालते राहुटी

एक एकली रानात

वारा आठवांचा काय

सांगतो कानात?

भिजतो पाचोळा बघ

मातीच्या थराखाली

थेंबाथेंबाने गाठतो

तो वापश्याची खोली

गंध साचतो अंबरी

तुझ्या तनाचा आभास

युगेयुगे पुढे चाले

माझ्या ढगांचा प्रवास 

कधी होशील आभाळ?

देण्या पावसाची खुण

मी मिठीला घेईन

तुझी थेंब रुणझुण.....

"やraτa प"

www.prataprachana.blogspot.com

३०.७.२०२३