आठवणींचे हाकारे....

आठवणींचे हाकारे......

पावसाच्या तुषाराचे
हे असे ओढ़ गाणे
वा-याच्या झुळकीने
भिजुन जाती पाने

साद ओली आर्त
थेंब थेंब मग कोसळे
ढगांच्या आतखोलवर
ओला पाऊस ऊसळे

ही भुरभुरणारी आठवण
आज शिंपली कोणी
हलक्या तुषारांतुन मग
रंग सांडला बेभानी

शब्दांनाही ओल फुटे
हिरव्या रंगास ओढ लागे
कोसळणा-या सरी का विणती
ओल्या आठवणींचे धागे

कानी मनी घुमती
तुझ्या मुक सादेचे पुकारे
पाऊस असा हा ओला
ऊठवी आठवणींचे हाकारे
(प्रताप)
29/8/2019
"रचनापर्व"