- ती सारंगी धुन
- ते मखमली गीत
- ते व्याकुळ शब्द
- ते समर्पी संगीत
- तो थिरकता पाऊस
- ते थेंब नाचणारे
- पावसाच्या क्षणात असे
- हुरहुर शब्द सुचणारे
- ती हिरवळ
- ते शिवार बहरलेले
- तुझ्या माळरानावर
- माझे थवे विहरलेले
- ती रोमांची हवा
- तो तुझा गंध
- स्पर्शाच्या मखमलीचे
- सैलावणारे बंध
- ते कुजबुजीचे निनाद
- ते मुके बोलणे
- स्वप्नांच्या धुक्यात मग
- तरंगी चालणे
- ते ओळखीचे जुनेपण
- ते अगणित नवेपण
- नसल्या क्षणात असे
- दाटून येणारे हवेपण
- ते रस्त्याचे वळण
- तेथे स्वप्नांचे सांडणे
- अशा अवेळी मग
- अवघडे शब्दांचे मांडणे
- ते पिंपळबन
- ते पाखरांचे गाणे
- हिरव्या पावसात मग
- कंच ओले होणे
- ते तसे तुझे होणे
- स्वतःस विसरून जाणे
- हिरवळ बनून तुझ्या
- ओल्या मातीवर पसरून जाणे
- (प्रताप)
- 3/9/2019
- "रचनापर्व"
- prataprachana.blogspot.com
No comments:
Post a Comment