तु जिजाऊची रयतमाया.....

तुझा वेग, तुझी तेग
दिल्लीच्या तख्तास हादरे
सह्याद्रिच्या नरविरा तुला
अगणित अगणित मुजरे..

तुझ्या इराद्यात ताना
लगीन कोंढाण्याचं लावी
विशाळगडाच्या रस्त्यावर
बाजी   'पावन' होई

तांडवी शिवाचा त्रिनेत्र तु
तु जिजाऊची रयत माया
शेती, पिकाची, माय,मातीची
तु राखतो  बुज शिवराया!

महाराष्ट्र देशाच्या रचियेत्या
तु बहु सुंदर त्यास घडविले
सकल बहुच्या उध्दाराचे
तोरण त्यास चढविले

स्वराज्याची 'श्री' इच्छा
रयतेच्या मनात ठसते
श्रीमान योगी रूप तुझे
सत्तेच्या उदरी वसते

माय,मातृभुमी साठी राजा
दे तुझा गमिनीकावा
नरपती जागव आमची मने
पेर धमन्यात तुझा 'छावा'

तु आमचा राजा
तु आमची माय
अखंड प्रणाम तुला
बा ! शिवराय!
(प्रताप)
"रचनापर्व"
prataprachana.blogspot.com

क्षत्रियकुलावंतास मुजरा!!!
आठवावे तुझे रूप ।आठवावा तुझा 'प्रताप' ।।