एक गोंदण फुली....

पायतळाला चंद्र उगवला

चांदणी नभी हसते

शांत वाहत्या नदीकाठावर

चंद्रकिरण हसते

रात वाहते भाव अनामिक 

पक्षी मुक निजले

काठ उशीचे भरजरीचे

दवात ओल्या भिजले

गंध दाटतो असा विभोरी

भरून जाई दरवळ

माळ एकला मुक मुक्याने

सजवत राहतो हिरवळ

चंद्र कवडसे भेटण्या आले

खिडकी ठेव खुली

मोहरून जाईल चितारलेली

एक गोंदण फुली

पहाट फटफट पक्षी उडती

दुर देश गाठण्या घाई

स्वप्न तुझे ते भावबिलोरी

उशास भुपाळी गाई....

(Pr@t@p)

"रचनापर्व "

www.prataprachana.blogspot.com 

13/8/2021