चंद्र ओला होई
पावसाच्या सरी
सर एक ओथंबे
आभाळाच्या घरी
तेजाळतो दिवा
हवा असे कुंद
झडीच्या पाऊस
होई सुगंध सुगंध
तहानला ढग
वा-यासंगे वाही
तुझ्या खिडकीला
तो ओथंबून पाही
वाहत्या पाण्यात
ओल्या चंद्राचे बिंब
पाहता तुला
सर होई चिंब
सर पावसाची झेल
ओंजळीला भर
धन्य होईल आभाळी
ढगाची ही फेर
माझ्या मनीचा पाऊस
त्याला तुझी आस
माझ्या सरींना बिलगे
तुझा तनू भास
तनू भासातुन सर
होई सुगंधी सुगंधी
माझ्या मनातला पाऊस
तुझ्या आभाळाचा बंदी
(Pr@t@p)
"रचनापर्व "
www.prataprachana.blogspot.com
(19ऑगस्ट 2021)
No comments:
Post a Comment