न्याहाळत्या नभाचा .....

जन्मांतराचे धागे
युगा-युगाची बांधणी
नात्याच्या अवकाशातील
जणू ध्रुव चांदणी

हे अंतरीचे नाते
जणू उमलता फुलोरा
माझ्या नभावर उगवता
तु चंद्र हळवा बिलोरा

तु चांदण्याच्या प्रकाशात
लहरते व्याकुळ सुक्त
तु दाटल्या मनाचे
आभाळ निळे मुक्त

तु पाखराच्या चोचीतली
आर्त हळवी साद
तु हृदयात झंकारला
समर्पणाचा नाद

तुझ्या छायेच्या मेहंदीत
चंद्र जावा मंद रंगत
तुझ्या पदरास लाभो
पुनवचांदण्याची संगत

मुकशब्दाने चालवा
एक दिर्घ संवाद
मिटून जावेत रातीसम
दुराव्याचे प्रवाद

तुझ्या अथांग मनाचा
मी थांग घ्यावा
तु न्याहाळत्या नभाचा
मी चांद व्हावा
♡Pr@t@p♡
"रचना"
6/5/2020
BLOG#prataprachana.blogspot.com