उणीदुणी एकांताची
मी कशास काढु?
दुःखाच्या चेहऱ्यावरचे
स्मित कशास खोडू?
दिगंत रिते असता
मी कशास भरुन येवू?
भावरित्या अवकाशाचा
मी चांदवा कशास होवू?
मी का जपावी फुले
काटे खुडत असता?
आणीक वसंत रंग
सृष्टीवर चढत नसता
मी कशास गावी गाणी
शब्द असता बावर?
का लिहावी कविता
नसता तुझा वावर ?
.......
.........
.........
.......?
मी का करावा त्रागा
काहीच हाती नसता?
कोरावीत शब्दशिल्पे
आठवत चेहरा हसता.....
"やraτa प"
"रचनापर्व"
www.prataprachana.blogspot.com
११.३.२०२३
.jpg)
No comments:
Post a Comment