कातळातले सृजन....

या हातांना साकारु दे

बेजोड शिल्प असे

मनातल्या कातळावर

अजिंठा उतरले जसे

दगडाच्या पत्थरदिली

हसावा पद्मपाणी 

कातळाचा रंगही भासो

मोहक आरस्पानी

तुझ्या माझ्या मनात

बुध्द असा बसावा

रंग त्या लेण्याठायी

आत्म्याचा असा दिसावा

मी कोरत पहाड जावे

सापडावा मला बुध्द 

कातळाचा आत्माही व्हावा

निर्मितीने रंगीत शुध्द.....

होतील अनंत प्रवाद

लावेल कोणी अन्वयार्थ 

सृजनाच्या गर्भतळातुन

पत्थरही होतील सार्थ...

"やraτa प"

"रचनापर्व"

www.prataprachana.blogspot.com

१ ५.३.२०२३