तारांगण वणवा

तुझ्या हाकांचा वणवा

आठवांचे जंगल जळते

बुडतीचा रंगीत अवकाश 

दुःख तयाला कळते

स्वर्गस्त सुर्य होई

उचलत मंद पावले 

रंग बिरंगी सांजेचे

अस्तर तमास लावले

तुळस मंजि-या वरती

सांजप्रकाश हळू सांडतो

सांजदिवा का तुझा

देव्हा-याशी भांडतो? 

चेततो नभावर चांद

चांदणे मुक शिलगते

वणव्यातली एक हाक

मग तारांगणा बिलगते

असे हाकांचे नंदादीप

अखंड त्यांची ज्योती

आठवांच्या भावकळांच्या

अनंत फुलवाती.....

"やraτa प"

"रचनापर्व"

www.prataprachana.blogspot.com

१६.३.२०२३