त्राही त्राही

डोंगर वाटेला मी 

एक बैरागी पाहीला

काळीज ठेवला रस्ता

मग त्याला मी वाहिला!

घुटमळला तो क्षणभर

रस्ता बदलून गेला

माझ्या रस्त्यावर आढळला

राधारंगी शेला!

ते बैरागी काळीज होते

समीप जाता दिसले

मी पाय धुळीचे ठसे

त्याचे अलगद पुसले

कोण गावचा वेडा तो

रस्ते तुडवत गेला

हाक त्याची हळवी

या हाकेस भिडवत गेला

असेल तो ही शोधत

त्याचे हरवले काही

मी ही त्यासम फिरतो

नित्ये त्राही त्राही!

("やaraτa ₱)                           

www.prataprachana.blogspot.com