रंगीत दिशा...

झाड उभे बघ एकले
बहरही हसत नाही
तु गेल्या पासून फांदीवर
बुलबुलही बसत नाही

जाता जाता त्याने
सोबत सुर गीताचे नेले
शब्दांनी माझ्या रोखली
झडणारी रंगीत फुले

तो येईल म्हणून नित्य
मी फुल ढळू देत नाही
दुःख माझ्या शब्दांचे
झाडास कळु देत नाही

येईल बुलबुल कधी
गाईल सुंदर गाणे
झाड सोसते आठवण
पराकोटीच्या धिराने...

तिकडेही असते बहुधा
बहराची व्याकुळ आशा
पावलांनी का सजवू नये
झाडाची रंगीत दिशा?
(Pr@t@p)
"रचनापर्व"
www.prataprachana.blogspot.com
१९ एप्रिल २०२२