ओळख.....

 

ही हवा परत आलीय
माझेच दुवे घेवून
तु खुशाली तरी
पाठवायचीस..?!
अनोळखी होण्यालाही
असतात काही मर्यादा..

नाही तर ....
पडलाच कधी तुझ्या
ओळखीचा विसर तुला...
तर.....
फिरशील तु वणवण
माझ्या अनोळखी
शहरात.....
माझ्या ओळखीतली
तगतग पेरत...!

तरीही....
लागतच नसेल तुला
तुझी जन्मजात ओळख...
तर ये इथे तुझ्या नावचे
महाकाव्य पडलेत!!

माझ्या ओळखीचं काय?
असंही मी रोज शोधतो मला
माझ्या कवितेच्या झाडीत..
तरीही हाताला लागतो
तुझाच फुलोरा.....!!

तुझ्या ओळखीचं रूपांतर
अनोळखीत होणं...
तसंही कवितेला
ओळखता येतं माझ्या.....!!

(Pr@t@p)
"रचनापर्व"
गझलांचे स्पंदन -मुक्तछंद
www.prataprachana.blogspot.com
१६ एप्रिल २०२२