सांजदाटला प्रहर .....

जाणू तुला कसे?
तु भासाचे पालव
माझ्या बिजातील वृक्षी
तु बहर खुलव

देवोनिया तुला
वृक्षाचा रंग
राखावा मनात
तुझ्या बहराचा संग

शब्दसखे! वाहतो
आठवांचा वारा
दे शब्दांच्या चोचीस
तुझा भाव चारा

होवूनिया झाड
मी उन्हाच्या पावली
धारतो फांदीवर
तुझ्या सांजेची सावली

धाड एक पक्षी
देवोनिया गीत
मी शिकवेन त्याला
बहराची रित

नित्य खुलतो येथे
तुझ्या शब्दांचा बहर
तुझ्या कवेत फुलझड
सांजदाटला प्रहर..!
(Pr@t@p)
"रचनापर्व"
www.prataprachana.blogspot.com
७ मे २०२२