युक्ती

चांदण उगवतीच्या मुहूर्ती
डवरती शब्द फुले
हृदयाच्या हिंदोळ्यावर
तुझे आभास झुले

सुर्याचे काळीज केशरी
धरतीच्या कुशीत चालले
ढगांच्या अंतःकरणाला
कोण गुलाल लावले?

ओढ कसली दाटते
निनादत असता हाक
चेह-यास तुझ्या का यावी
नजरेची माझ्या झाक

असल्या व्याकुळ वेळी
अस्पर्शि कसा राहू?
भुगर्भातील झ-यासम
कुठपावेतो मुक वाहू?

दे ना उगम मजला
मिळू दे एकदा मुक्ती
देवून टाक या प्रवाहास
सागराची व्याकुळ युक्ती..
॰प्रताप °°
"रचनापर्व"
www.prataprachana.blogspot.com
२०.११.२०२२