हाक एकली

ते फुल कुठले होते

जे कडेकपारी फुलले

डोंगर सारे स्थिर 

पायतळातून हलले

फुलास व्यापून आले

हिरवे द्विदल पाते

हवेत दरवळून वाढे

गंधबावरे नाते

नजरेपल्याड फुलूनी

एकटेच ते झुरते

डोंगर पायथ्याला

हाक एकली फिरते...

("やaraτa ₱)                           

www.prataprachana.blogspot.com

सुरेल विराणी

मठ उदास उदास

जोगीया निघाला

नको साजन दोष

देऊ तू जगाला!

पायतळात गं त्याच्या

भस्माचे ढीग

अंतराच्या वारुळाला

आठवांची रिघ

अस्तावर त्याची

चाले आरंभ पेरणी

नको मांडू तू रमल

ना जमेल सारणी

तुझ्या अंगणात त्याची

घुमेल भिक्षान्देही

तू गाशील विराणी

मग सूरेल आरोही!

("やaraτa ₱)                           

www.prataprachana.blogspot.com

चांदउदयीनी

तू सांधून घे ना मेळ
ही चांद उदयीनी वेळ
नकोस ठेवू फडताळत
भातुकलीचा खेळ

पहा उगवला चांद
भरला काजव्यांचा मेळा
चांदण्याच्या अदमासाला
सांजेचा ठोकताळा

धरा पहा चंदेरी
शालू नेसून बसली
कविता माझी सावळी
चंद्र किरणात हसली

लाव दिवा तू दारी
पडू दे किरण सडा
वाजू दे अंतरी अव्यक्त
आठवांचा चौघडा!


("やaraτa ₱)                          
www.prataprachana.blogspot.com

कटाक्षामागे

सुघड पाषाण जततो
मुर्तिचा फुलमाग
पायरवाच्या मुहुर्ती
ये शब्दास माझ्या जाग

फुलपाखरी चाहूल
हृदयास माझ्या लागे
शब्द वाहण्या स्वतः
निघती कटाक्षा मागे...!



("やaraτa ₱)                          
www.prataprachana.blogspot.com

पक्षी....

मनाची सावली
शब्दावर नक्षी
शांतावेत बनात
तहानले पक्षी...



("やaraτa ₱)                          
www.prataprachana.blogspot.com

नयनतळी

शब्दांचे फुलदेठ
कवितेची कळी
फुलाचे प्रतिबिंब
गर्त नयनतळी....


("やaraτa ₱)                          
www.prataprachana.blogspot.com

सत्यशोधन

'सत्यशोधनाची',न सोडावी वाट
होई भरभराट,  बहुजनाची ।।
                     ꧁༒प्रताप༒꧂






म.फुले यांना विनम्र अभिवादन!

संगम

मला विसर्जित करायचा आहे
या विरहाचा अस्थीकलश
आप्तास माझ्या दूरच्या
प्रीतीसंगम सापडत नाही!



("やaraτa ₱)                          
www.prataprachana.blogspot.com

अहिस्ता

ताऱ्यांच्या पल्याड असेल 

एक फुलांचा रस्ता 

आणिक पूर्ण चांद 

नित्ये ये आहिस्ता!

("やaraτa ₱)                           

www.prataprachana.blogspot.com

कवितेचा स्वर्ग

मनाचा सगुण देह 

भावांचा आत्मा वसतो

कवितेचा मिळवून स्वर्ग

हलकेच स्मित हसतो!

("やaraτa ₱)                           

www.prataprachana.blogspot.com

त्राही त्राही

डोंगर वाटेला मी 

एक बैरागी पाहीला

काळीज ठेवला रस्ता

मग त्याला मी वाहिला!

घुटमळला तो क्षणभर

रस्ता बदलून गेला

माझ्या रस्त्यावर आढळला

राधारंगी शेला!

ते बैरागी काळीज होते

समीप जाता दिसले

मी पाय धुळीचे ठसे

त्याचे अलगद पुसले

कोण गावचा वेडा तो

रस्ते तुडवत गेला

हाक त्याची हळवी

या हाकेस भिडवत गेला

असेल तो ही शोधत

त्याचे हरवले काही

मी ही त्यासम फिरतो

नित्ये त्राही त्राही!

("やaraτa ₱)                           

www.prataprachana.blogspot.com

तुटवा

फूल जरी का मुक्त 

झाडाचे काळीज तुटते 

फांदीच्या जखमामधुनी 

कळ अनामिक उठते 

गंध जरी का भुलवा 

फुलचूखी ना समीप येते 

हसत्या रान फुलाचे 

असे कलेवर होते 

तुटवा नसे चांगला

असते मूक वेदना

तरीही झाड उमलते

घेऊन नवसंवेदना!

("やaraτa ₱)                           

www.prataprachana.blogspot.com

भाव काजळी

काळीज मुक्याने बुडते 

रवी सोडतो अंबर

सांज दिलासा देते

तमास फुटते हंबर

मी गर्द राईवनातून

शोधून आणतो गाई

अंधार घन बघ झाला

दिवा लाव ना बाई!

ही कसली आर्त भूल

पदराला तुझ्या चिनते?

कबीराची भक्ती घेऊन

गहिवर शेला विणते

धूळ झटक ना बाई!

वासरा गाई मिळल्या

वात दिव्याच्या झाल्या

कविता माझ्या जळल्या!

धरून ओंजळ आडवी

दिवा आत कोण नेईल?

बेवारस निरंजनातून

भाव काजळी होईल!

("やaraτa ₱)                           

www.prataprachana.blogspot.com

करमण्यवाधिकारस्ते....

हे भाव अलिंगन माझे 

मिठीत कोणी नाही 

जणू अश्वथामा रणीचा 

शाश्वत जखम वाही 

झरते रुदन एकले 

राजपाट कोणा मिळती 

महाभारती जीत ही 

जखम एक भळभळती 

शब्द रोवती पाय 

होतात ना ते फिरस्ते 

कविता माझी गाते 

'करमण्यवाधिकारस्ते....

("やaraτa ₱)                           

www.prataprachana.blogspot.com

मौनतंद्री

निःशब्द मौनाची तंद्री

भावनांचा एकट मेळा

हृदयी खोल उमाळा

कवितेचा घुंगरवाळा 

नाद खोल हृदयी

अक्षर अक्षर वाजे

एकट गर्द वनातील 

जणू वृक्षी पालवी साजे

जंगल ऐके  केकावली 

गीत मनाचे खिन्न 

सिध्दार्थाला सोडून 

जणू निघाला छन्न 

येवो चैत्र वा शिशिर 

कोणाला काही नसते

घनघोर एकटवेळी 

स्वतःवर जंगल हसते!

("やaraτa ₱)                           

www.prataprachana.blogspot.com

चैत्रमृत्यू

सुकल्या पानफुलांचे
बनते सुंदर चित्र
त्यासाठी का चिंतावे
मरून जावा चैत्र?




("やaraτa ₱)                          
www.prataprachana.blogspot.com

शिंपला

कुण्या नदीचे पाणी
सागर मिठीत अलबत
लाटांच्या तळामुळातून
शब्द उचलते गलबत

वेचत अक्षर मोती
सागर भ्रमण चाले
कवितेचे मोती देण्या
शिंपला हृदय खोले!




("やaraτa ₱)                          
www.prataprachana.blogspot.com

क्षमा

पानावरचे फुल ताजे
वहीत होईल जमा
सुकल्या कवितेतला
भाव मागेल क्षमा!




("やaraτa ₱)                          
www.prataprachana.blogspot.com

बोल

मुक लयीत तुटते

आत खोलवर काही

निनाद ज्याला नाही

त्याला कसली ग्वाही

हळुहळूने उठतो

गहिवर असा का खोल 

उमजत नाही तुजला 

म्हणूनी कशास लावू बोल

("やaraτa ₱)                           

www.prataprachana.blogspot.com

वेधवंती

त्या पल्याड काठी असते
अबीर संध्या छाया
प्रकाश अल्याड अधिर
तमात व्यापून जाया...

आला जरी का काळोख
चांदणे लूकलूक होईल
पाहता कोर नभीची
उरात धुकधुक होईल

पसरेल स्फटिक चांदणे
चमकून जाईल माती
गावघरातून, नयनतळातून
उजळून येतील वाती

चार नयनाची दिठ
असेल एकच केंद्र
दुरवरचा वेधवंती
नभी टांगला चंद्र...



("やaraτa ₱)                          
www.prataprachana.blogspot.com

 

इमान

डाकिया कसूरवार नही
उसे  तो इनाम देना चाहिए।
और घर ,पता ,शहर,दिल
बदलने वाले को इमान देना चाहिए।



("やaraτa ₱)                          
www.prataprachana.blogspot.com

थाप

हाक जणू की थाप

उडती काळीज पाखरे

विसावण्या त्यांना घडीभर

झाडोरा तु राख रे!

("やaraτa ₱)                           

www.prataprachana.blogspot.com

 

भिरक

कागद विरून गेले
कविता फिरकत नाही
शब्द बनावर माझ्या
चैत्र भिरकत नाही

राखून आहे फांद्या
भरतील चैतन्य सोहळे
येतील रंगीत फुले
आणी पर्ण कोवळे....




("やaraτa ₱)                          
www.prataprachana.blogspot.com

सुखी बैरागी

शांतवलेला पक्षी
चंद्र चेतलेला
एकांत घनभारी
दोहोवर बेतलेला

दोहोच्या डोळ्यातली
निज टक्क जागी
निवांत दूर निजलेला
एक सुखी बैरागी!!



("やaraτa ₱)                          
www.prataprachana.blogspot.com

पाऊस भोई

नुसत्या गडगडाटाने
माती न शांत होई
काळीज देतो ढग
वाहतो पाऊस भोई!


("やaraτa ₱)                          
www.prataprachana.blogspot.com

कवचकुंडले

कवितेने दिली हाक 
मी शब्द मनोभावे मांडले
जसा कर्ण हसत करतो
दान कवचकुंडले!




("やraτa ₱)                          
www.prataprachana.blogspot.com

विराण भूल

पंख फुटले,गाव सुटले
बेवारस झाली घरे
बसक्या कळकट दाराआड
घर मुक थरथरे

कथा गेल्या,पार गेले
झाड चौकात एकले
काळ सरला ना मुसाफिर
कोणी येथे टेकले

दूरवरचा तांडा गजबज
हल्ली फिरकत नाही
काफिल्यांच्या पायरवाने
माती थिरकत नाही

जर असती माती खूली
तर आली असती वाहून
सिमेंट थिजून दगड
शहरात जाते राहून

ते जगणे एकजीव होते
माणसे उडत नव्हती
ही असली विराण भूल
गावावर पडत नव्हती!


("やraτa ₱)                          
www.prataprachana.blogspot.com

वळीव हळवी ओल

 

अनाहूत एक ढग
धो धो कोसळतो
धरित्री पसरे बाहू
तित तो मिसळतो

दुरावा अनंताचा
आकाश  मिटवून घेते
वळीव प्रित त्याची
धरती साठवून घेते

तो अंतरी पेरे
हाक हळवी खोल
भर उन्हाळा पाही
प्रितीची त्यांच्या ओल.....


("やraτa ₱)                          
www.prataprachana.blogspot.com

 

पुर्णत्वाचे सार

एक ढगा खाली  एक वर
पक्षी दोन जग पाहतो
आणी चिंतनमग्नी साशंक
मासा किती मर्यादित राहतो

मासा करतो हळहळ
पक्षाचे विहरणे पाहून
जळाखालचे जग याचे
गेले की रे राहून!

दोघांकडेही दोन जग
एकेक दृष्टि पार
अपुर्ण असणे का खरेच
पुर्ण जगण्याचे सार?



("やraτa ₱)                          
www.prataprachana.blogspot.com
रचनापर्व

हे हंगामी चैत्रा....

हे हंगामी चैत्रा!
नकोस करू रे गर्व!
माझ्या सखीचं असणं
अखंड चैत्रपर्व ! !

ही चेह-याची पालवी
हा अस्तित्वाचा गंध
सखीच्या आभासात
चैतन्य मकरंद!

तु येतो तु जातो
तुजला पानगळीची भिती
हा अखंड चैत्र वाहतो
अखंड अमिट नाती

गंधभारला तु
सखी! अविट गंध
तुझ्या नवपालवीचा
घे मागून एक बंध!


("やraτa ₱)                          
www.prataprachana.blogspot.com




 

रचनापर्व

मागत नाही....

रचनापर्व

अज्ञात हवेहवेसे
तुझ्या अंतरी काही
ओंजळीतले आचमन
होते दिर्घ प्रवाही

बनतो त्याचा सागर
तु शिंपल्यात त्याला जपते
या काळजातले मोतीबन
त्या काळजात लपते

या लपाछपीचा
हिशोब लागत नाही
या वाहिल्या अर्ध्याचे
मी पण मागत नाही......

("やraτa ₱)                          
www.prataprachana.blogspot.com

बहावा

रचनापर्व

चिंब प्रतिबिंब

रचनापर्व

अर्ध्य हिशोब

रचनापर्व

गेल्या पक्षांची गीते

रचनापर्व

एकटपण

रचनापर्व

खंजर

रचनापर्व

लगाम

रचनापर्व

भाग्यरेखा

रिती घरे

रचनापर्व

कविताबन...

रचनापर्व

दफन

रचनापर्व

निर्माल्य फुल

रचनापर्व

उतराई

रचनापर्व

नवनक्षी चंग

रचनापर्व

चैत्र नांदी

रचनापर्व

चुकले

रचनापर्व

सांधत धागे

रचनापर्व

काट्याचे अहेव लेणे

रचनापर्व

पालवी

रचनापर्व