एकेक्या झुळुकीवाटे...

चांद ओलांडून निघते
तुझ्या गावची हवा
झाडांच्या फांदी निजलेला
थकलेला स्वप्नथवा

देशील एक हाक का
काहूर दाटल्या वेळी?
की निज समेटून घेशि?
तांबडे फुटल्या वेळी?

थरकापून झाड जाते
थवा दिगंती जाता
झाड गोंदवून घेते
पाखरांची आठव गाथा

एकेका आठव कळीचे
फांदिवर फुल होते
झाडाच्या तनूवर सजती
बहराची झुल होते

असे बहरतो बहर
आठवांचा मोसम दाटे
मी थव्याथव्याने भेटतो
एकेक्या झुळुकीवाटे.....


"やraτa प"
"रचनापर्व"
www.prataprachana.blogspot.com
१३.१.२०२३