मिलनसुक्त....

शहर कसे लांघु?
पंखात धुके दाटते
तुझ्या निर्धारी पावलांना
आर्त असे का फुटते?

धुकेही पडत नाही
तरीही भास व्यापतो
भाव मनीचा माझा
आरक्ती आड लपतो 

तु राख ना फुले
मोसम पानगळीचा
मी अनावर का होऊ
तुझ्या पायतळीचा?

येशील तु कधी लगबग
होउन हळवी हाक
तमास माझ्या बिलगेल
तुझी पोवळी झाक

धुके विरेल अलवार 
पंख होतील  मुक्त
रेखीव तुझ्या चेहरी
मग उमटेल मिलनसुक्त.....

"やraτa प"
"रचनापर्व"
www.prataprachana.blogspot.com
१.२.२०२३