बंद दारापाशी

मी शोधतो आहे एकांती
एक निरव भरीव शांती
प्रकाशत अंधारपहाडी
चांदण्याची शामकांती

मी सारतो आहे तम
चांदणे घेवून कुशी
भाव निघतो आहे थेट
दुरदेशी......दरवेशी

वेचतो आहे मी तुझ्या
वेदनेची व्याकुळ फुले
उसवताहेत पुर्वापार एकांत
आठवांचे आदिम सुले

विस्कटतो आहे अंधार
मी शोधता तुझे गाव
आभाळ का घेते आहे
चांदण्याचा उगव ठाव?

दे ना तुझे दुःख!
एकांत हा शाकारण्या
जप वाहिले स्वप्ने तुला
निगुतिने आकारण्या

दुःखाचा तुझ्या बिलग
होऊ दे मग वेशी
मी हर्ष पेरून परतेन
तुझ्या बंद दारापाशी......

༄᭄प्रताप ࿐
"रचनापर्व"
www.prataprachana.blogspot.com
३०.८. २०२२