झाड फुलांचे वाहतो...

शब्द कोणते वेचू?

कवितेला येईल रंग

तु निभवावा अनादी

माझ्या शब्दाशी संग....

निज दाटले डोळे

स्वप्न जागे उशाशी 

निशीगंधाच्या खाली

पडती फुलांच्या राशी

एक उचलता फुल

चाहूल तुला मग लागे

हा गंध कुणाचा दरवळे

शब्दांच्या माझ्या मागे?

या गंधभारल्या फुलांची

मी व्याकुळ  कविता लिहतो

एकेका शब्दासाठी तुला

मी झाड फुलांचे वाहतो

       ▪ (Pr@t@p)▪

           "रचनापर्व "

www.prataprachana.blogspot.com 

          (१४ मार्च २०२२)