हळवे गाव....

कसले हे भास
स्पंदनात दाटून येती
आत्म्यापार स्वप्ने
तुला भेटून येती

चल युगापल्याड जाऊ
काळाचे खोलत प्रस्तर
देवू त्यास अनंती
सहअस्तित्वाचे अस्तर

तुझ्या साजणसमयी
मी सुर समर्पी छेडले
जेंव्हा प्रण दुराव्याचे
अनाहूत आपण सोडले

नभास या रंग
चांदण्याचा तुझ्या लागे
शब्द निघती लगबगीने
तुझ्या पावला मागे

घे ओंजळीत बिलगुन
हे निशिगंधी माझे भाव
या शामल चांदण्याखाली
स्वप्नांचे हळवे गाव...

(प्रताप ☂)
"रचनापर्व"
www.prataprachana.blogspot.com
१३.७. २०२२