बरस....

तुझ्या आठवणींच्या विरूध्द
मी उभे करतो आहे
घनघोर निश्चयी पहाड
पण.....
हा तुझा भिजपाऊस
त्यावरही कोसळतो अव्याहत..

आता पहाडावरही तुझ्या
आठवणीचे बन मुळ धरून
बनेल एक जंगल...
आणी त्या जंगलात
येतील तुझ्या स्वप्नांची पाखरे
हसरी शिळ घालत......
ते आणतील तुझे रंगीत
निरोप आणी मग
जंगलही स्वप्नाळेल....

रहा बरसत.....
तसं ही मी तुझ्या पावसाचं
काहीच करू शकत नाही...!!

(प्रताप ☂)
"रचनापर्व"
www.prataprachana.blogspot.com
०९ जूलै २०२२