व्याकुळ जागवे

सा-याच कळ्यांना गंध
तुझ्या फुलांचा कसा?
दे भरून आभाळाला
चांदण्याचा शुभ्र पसा

हा आठवणींचा मोर
पाहे नक्षत्र नभी
ही वाट चांदण्याची
चालण्या दुर उभी

दगडातला मुर्तिभाव
कोण देईल आकार?
या निर्वातात कसले
घोंगावती आर्त पुकार?

नभाआडचा चंद्र
गातो व्याकुळ गझला
कोणता उसासा दिर्घ?
अनावर घडीत निजला

व्याकुळाचे बन सजले
मुरलीचा सुर वाहे
चांदण्याच्या पदराखाली
आभाळ मुक वाहे

असतो नभाला जणू
दुराव्याचा प्राचिन शाप
उगवून चांदणे वाटते
तमास उजेडी उ:शाप

अशा उजेडी वेळी
नक्षत्र हळुवार उगवे
हे कसले तुझे गीत?
रातीस व्याकुळ जागवे?

(प्रताप ☂)
"रचनापर्व"
www.prataprachana.blogspot.com
१४.७. २०२२