मारिची भुल

अशोकवनी ओढीने
शब्द माझे शोकाकुल
का पडते मजला तुझी
नित्य मारिची भुल?

बांधेल कोणी सेतु
दाखवेल ओळखखुण?
सागरात तरत्या दगडांना
येईल आवेगी धुन?

देऊ का अग्निपरीक्षा
तु मला सोडवण्यासाठी?
हृदयातल्या कप्प्याच्या
सोडत माणिकगाठी

घे मला कुशिला असे जणू
भुई ने जानकी धारावी
तुझ्या पदस्पर्शाने अहिल्येतुन
शिळ दुर सारावी

लिहू का महाकाव्य आपले
युगांती चालणारे?
आत्म्याचे अंतरद्वार
अलगद खोलणारे......
༄᭄प्रताप ࿐
"रचनापर्व"
www.prataprachana.blogspot.com
०८.०९. २०२२