निनावी मौन

महाकाव्य मजला
सुचते प्राणभाषी
सय मनातली माझ्या
तुजकडे माहेरवाशी

मी गाठतो तळ कशाचा?
हाती काही ना लागे
हे असले कसले क्षण
तुजविन एकले अभागे

मी पिंपळ होऊन उभा
कोण समाधी लावते?
वैशाखाच्या पुनवेला
मन वैरागी धावते

फिरून येते तु
मी ऊंची गाठत नाही
हे कसले अनादी कोडे
सुटता सुटत नाही

लिहावेत ताम्रपट
की शिलालेख कोरावे?
की मौन मी निनावी
या कवितेतुन पेरावे...?


༄᭄प्रताप ࿐
"रचनापर्व"
www.prataprachana.blogspot.com
०९.०९. २०२२