फुलपाखरूपण..

हृदयस्था!
तु कवितेतलं
फुल बदल म्हणालास..
मी ऐकलं..
पण तुझ्या गंधास
पारखी झालेली माझ्या
शब्दांची फुलपाखरे...
अडखळताहेत
त्यांचा
होतोय दिशाभ्रम...
कसंबसं साजरं
करताहेत ते
फुलपाखरुपण ....
पण अधून मधून
ते पाहतायत
आशेने माझ्याकडे....
आणी मागताहेत एक
नाजूक वचन....
तु बाग सोडणार नाहीस याचं...
मी ते वचन द्यावं
तुझ्या वतीनं
इतपत परिघ तरी
दिलायस ना मला??

༄᭄प्रताप ࿐
"रचनापर्व"
www.prataprachana.blogspot.com
२५.०९. २०२२