चिन्ह एक अडखळते

मी शोधत आहे येथे
बुध्दाचा पाऊलमाग
दिशादर्शक बनून ऊभा
यशोधरेचा त्याग!

तो हसतो सम्यकचित्ती
यशोधरा का रडते?
पाऊलखूणेत त्याच्या
चिन्ह एक अडखळते!

₱Ɽ₳₮₳₱)
रचनापर्व
www.prataprachana.blogspot.com

ओढ राखती धूनी

भावसागर हृदयी वाहे

जणू स्तनाचा पान्हा

प्राशून घे तो भाव तू

आहे तोवर तान्हा! 

नकोत कसले हुंदके 

आणी हळहळ मनी

घे चेतवून आतली 

ओढ राखती धूनी!

₱Ɽ₳₮₳₱)

रचनापर्व 

www.prataprachana.blogspot.com

 

कृष्णकुळी हुरहूरी

मोरखुणाच्या वेळी
चंद्र झडीचा नाच
नभी रेखल्या कविता
तू नक्षत्रातून वाच

मोराच्या चरणी बंदिस्त
भाव खुणांच्या जरी
विजनास नको ना धाडू
या कृष्णकुळी हुरहूरी...


₱Ɽ₳₮₳₱)
रचनापर्व
www.prataprachana.blogspot.com

हाकेला निवारा

नको होवूस पाठमोरी

दे हाकेला निवारा 

चाड नसेल भक्तीची

काय कामाचा देव्हारा!

पाणी हरपेल बाई !

दे दोहो बाजूस तट

नको करूस नदीची

सागराशी ताटातूट!

किती बोलशील उणे

मूक संकेतांचे शब्द 

देव नसता अंतरी

नसे अभंगा प्रारब्ध!

₱Ɽ₳₮₳₱)

रचनापर्व 

www.prataprachana.blogspot.com

 

तिट

तू उधळ मिठमोहरी

लाव काजळाची तिट

मला बाई आला

नजरांचा विट !

लाव हारिने टोटके 

कर निर्मळ आभाळ

नको चांदण्याची तू

होवू देवूस आबाळ!

₱Ɽ₳₮₳₱)

रचनापर्व 

www.prataprachana.blogspot.com

 

निपचित

देवधानाच्या मूठी

नको टाकू रानी

थव्याची लागतील

मग ऐकावी गाणी

आंब्याचा डहाळीचा

नको उभारू मांडव

येतील नजरेस

अज्ञातवासातील पांडव

लावून दिवा तू

नको म्हणू संध्यागीत

चांद पूनवेचा येवो

दर्या राहील निपचित!

₱Ɽ₳₮₳₱)

रचनापर्व 

www.prataprachana.blogspot.com

वृक्षलतांना मिठी!

अदमास कसा तो घ्यावा

साजन नसता दिठी?

राम घालतो हमसून 

वृक्षलतांना मिठी!

₱Ɽ₳₮₳₱)

रचनापर्व 

www.prataprachana.blogspot.com

वेणा!

किती देशील यातना

आणी एकांताचा दंश

इंद्रायणीत बुडावा

माझ्या कवितेचा वंश

नको पाठवू पुष्पक 

सदेह तूच ये ना!

नाही तर सोस गर्त 

व्याकुळाच्या वेणा!

₱Ɽ₳₮₳₱)

रचनापर्व 

www.prataprachana.blogspot.com

कांचनमृगी चोळी!

बाई! नको मागू मला

कांचनमृगाची चोळी

कोण यईल असूर 

पसरेल झोळी

नको देवू मला

तूझ्या हाकांचे आभास

तूला वाटते मी भोगावा

चौदा वर्षाचा वनवास?

नको रामायण आणी

ती नको अग्नीपरिक्षा

रहा आनंदे पर्णकुटी

नको वाढू कुणा भिक्षा!

₱Ɽ₳₮₳₱)

रचनापर्व 

www.prataprachana.blogspot.com

सूध

रानात वाट चूकता

हंबरते गाय

वासराच्या तगमगीला

येथे जोजावते माय 

करते कालवा

आणा शोधून गायीला

हूरद्याचा हंबर

कळतो मायीला 

गाय येता गोठी

वासरा मिळे दूध

चूल पेटण्याची येते

मग मायीला सूध...

₱Ɽ₳₮₳₱)

रचनापर्व 

www.prataprachana.blogspot.com

इशारत

एक विराणे जंगल येथे

निष्फळ झाडे, काटे सारे

मोहरून येते हाक उराशी

स्पर्शून जाते हळवे वारे

निःश्वासाला अर्थ मिळतो

काट्यास उमलती फूले  

जंगल देते रंगीत संगीत 

इशारते बांधण्या झूले....

₱Ɽ₳₮₳₱)

रचनापर्व 

www.prataprachana.blogspot.com

 

अज्ञात आकृती

एक चांदवा नभी उगवतो

कथेस माझ्या पंख लाभती

चुंबून हळवा आणून देतो

उशास माझ्या नजर जागती

निजधरेच्या काठावरती

वसून जाते एक संस्कृती 

हातास माझ्या नित्य सकाळी

रेखून असते अज्ञात आकृती!

₱Ɽ₳₮₳₱)

रचनापर्व 

www.prataprachana.blogspot.com

 

रंगीन

सूनो ऋत के साथ जाना जरूरी था ?

पूरा शहर रंगीन हूआ करता था कभी यंहा।

₱Ɽ₳₮₳₱)

रचनापर्व 

www.prataprachana.blogspot.com

हसतो

तुडवत अनेक काटे

बुध्द निघाला वाटे

हृदयात माझीया करूणा

तळामूळातून दाटे

जखमा त्याच्या पाहून

मी अस्थिर दग्ध असतो

जखमा आडून बुध्द 

स्थितप्रज्ञ हसतो!

₱Ɽ₳₮₳₱)

रचनापर्व 

www.prataprachana.blogspot.com

निज दाटकी आशा

थवे परतले सजणी

एक पाखरू एकले

वाट परतीची रोजची

बहूधा झाड चूकले

झाड देईल हाक?

की विसरले भाषा?

मोडण्या आधी पंखाची

निज दाटकी आशा! 

₱Ɽ₳₮₳₱)

रचनापर्व 

www.prataprachana.blogspot.com

उमाठा

कधीच कोसळलेली

झाडाची गंधीत काया

जणू भाव फुलांचा व्याकुळ 

आला ओंजळ शोधाया

कसला उमाठा त्यांच्या

आला असेल भेटी?

करून गेला फुलांची

फांदीशी ताटातूटी!

₱Ɽ₳₮₳₱)

रचनापर्व 

www.prataprachana.blogspot.com

गंधीत फूलराई!

नसतात ऋतूंची ओटी

अमर्याद कवचकुंडले

प्राचिन सनातन उर्मी

झाड फूलवते फूले

झोका बांधून बाई 

तू माहेरगीत गाते

म्हणून बहूधा झाड

फूलराई गंधीत होते!

₱Ɽ₳₮₳₱)

रचनापर्व 

www.prataprachana.blogspot.com

शिंपलेला

वनगीत लकेरताना

पक्षी आले भेटी

मी शब्दशिळेची हाक

दिली त्यांच्या ओठी

विजनात ऋतू ना जावो

भाव मनी लिंपलेला 

मी जिव हिरवा ओला

डोंगरी शिंपलेला!

₱Ɽ₳₮₳₱)

रचनापर्व 

www.prataprachana.blogspot.com

अश्रूथेंब

समुद्र असेल का 

अश्रूथेंब?

खारट...

अनंत लाटा असणारा?

कित्येक उचंबळ.

किती आहोटी

कधीच संपण्याचा

तोटा नसणारा......

₱Ɽ₳₮₳₱)

रचनापर्व 

www.prataprachana.blogspot.com

ऋतूभान

चित्रात भरावे रंग

कुठून घ्यावे दान?

बहरास असावे गर्द

चिरंतन ऋतूभान!

₱Ɽ₳₮₳₱)

रचनापर्व 

www.prataprachana.blogspot.com

काळीज तळ

या सांजल संध्यावेळी

ये तमास हलकी जाग

व्यापून आठवण असते

सांजेचा मोठा भाग

घरट्यास परतते थवे 

हलकेच उगवता चांद

आपसूक भरून येतो

काळीज तळाचा बांध

₱Ɽ₳₮₳₱)

रचनापर्व 

www.prataprachana.blogspot.com

तग धरले पर्ण

शेवटचे तग धरले पर्ण

भेटेल वसंता ऊरी

देईल त्यास सस्नेह

पर्णगळीच्या हूरहूरी 

ते मोहोर रंगीत नवे

आणी टवटवीत पाने

त्यांचे अतूट प्रारब्ध 

ते मूक एकले जाणे

काट्याच्या अणीवर

कोसळता प्राजक्त सडा

गेल्या वसंतानंतर त्याने

शिकलेला हा धडा!

₱Ɽ₳₮₳₱)

रचनापर्व 

www.prataprachana.blogspot.com

कर्णरथ

भिरकवून उल्का नभी
चांदण्याचे मळवट भरले
चंद्रलयीच्या मुहूर्ती
अंतरी काय थरथरले?

सांज लगबगी वेळ
तू साधून घेतली हाक
आठवण होऊन बसली
कर्णरथाचे रुतले चाक!


₱Ɽ₳₮₳₱)
रचनापर्व
www.prataprachana.blogspot.com

नवी..

उतरून जाईल सारी

रूक्ष पानगळीची छवी

गाईल कोकीळ गाणे

पाहून पालवी नवी!

₱Ɽ₳₮₳₱)

रचनापर्व 

www.prataprachana.blogspot.com

 

डहाळी

या वसंत घडीला
झाडांना पाने नवे
झेपावण्या उत्सुक
अंतरातील शब्दथवे

डहाळीवर त्यांच्यासाठी
जागा एक तू राख!
असूदे तीला डवराचा
आणीक सुंदर बाक!


₱Ɽ₳₮₳₱)
रचनापर्व
www.prataprachana.blogspot.com

बेहिशोबी

फूल तोडत्या

तूझ्या हातांना

सांग कधी 

हिशोबाने!

ही अल्पायुषी फुले 

साधण्यासाठी

बेहिशोबी उन

झेलतं झाड! 

₱Ɽ₳₮₳₱)

रचनापर्व 

www.prataprachana.blogspot.com

हसू...

सांग तूझ्या थव्याला मिळण्या

पान फुलांचे रंगीत हसू

मी तीव्र किती ऋतूंच्या

आणीक खेपा सोसू?

₱Ɽ₳₮₳₱)

रचनापर्व 

www.prataprachana.blogspot.com

सोने

येत नाही तूजला

फूलझडीने जाग

शब्दांना लावून देतो

मी चांदणरंगी आग

शब्दांचे आत्मे जळती

उजळून निघती कोने

शब्द झळाळून हाती

कवितेचे लागे सोने!

₱Ɽ₳₮₳₱)

रचनापर्व 

www.prataprachana.blogspot.com

मूळतळाची माती

मूळ गाठावे लागते

शब्दफुल हाती लागण्या

व्याकूळ हृदयाच्या मग

विझतात अनाम डागण्या 

त्यात ऋतूची लहर

फूलगळीची भिती

त्याठी राखून असावे

मूळतळाची माती !

₱Ɽ₳₮₳₱)

रचनापर्व 

www.prataprachana.blogspot.com

छबीला

अंधार जरी घनदाट

काढ चांदण्याचा माग

संपेल काळी रात

अन् वाळवंटाचा भाग

भेटेल काफिल्याला

मरूद्यानाचा कबिला

नको विसरू प्रकाशी

त्या ता-यांच्या छबीला!

₱Ɽ₳₮₳₱)

रचनापर्व 

www.prataprachana.blogspot.com

अमृतधारा

दाखवेल कधी मार्ग

एक तेजस्वी तारा

मरूस्थळाच्या हृदयी

मग फुटेल अमृतधारा !

₱Ɽ₳₮₳₱)

रचनापर्व 

www.prataprachana.blogspot.com

जळाचे उखाणे

तृष्ण पाखरचोची

मरूद्यानाचे गाणे

तूझ्या घागरीला

जळाचे उखाणे!

₱Ɽ₳₮₳₱)

रचनापर्व 

www.prataprachana.blogspot.com

 

निवारा

येईल हाकारा कधी

उजळेल अज्ञात दिशा

मी देईल स्थिर निवारा

जिवास वेड्यापिशा !

₱Ɽ₳₮₳₱)

रचनापर्व 

www.prataprachana.blogspot.com

दगडपण

अहेवपण असतं

अहिल्यापण नाही

तूझ्या दगडपणाला

प्रितीचा उशाःप नाही?

 ₱Ɽ₳₮₳₱)

रचनापर्व 

www.prataprachana.blogspot.com

ठेवणीचा संदूक

तो तरंग होवून जावे

स्थिर पाण्यावरचा

आणी सूर व्हावे

गुणगूणत्या गाण्यावरचा 

पोचूनी आत्मतळाला

धूसर अंधूक व्हावे

तुझी ठेवण जतन्या

ठेवणीचा संदूक व्हावे!

₱Ɽ₳₮₳₱)

रचनापर्व 

www.prataprachana.blogspot.com

 

तीरात

सांज 

उरात

तम

भरात

मी 

सावज

तू 

तीरात !

₱Ɽ₳₮₳₱)

रचनापर्व 

www.prataprachana.blogspot.com

रंध्रघोर

मी पाहीन पाहीन म्हणतो

तूझ्या गोंदणीचा मोर

रंध्रास पडो ना तुझिया

स्पर्शाचा माझ्या घोर

 ₱Ɽ₳₮₳₱)

रचनापर्व 

www.prataprachana.blogspot.com

चंद्रसावली

माझ्या अंगणात

चंद्रसावली फिरते

दूर डोंगरी चांदणे

एकट मूक झुरते

मी चंद्रसावलीचे 

जतेन म्हणतो ठसे

शुभ्र सकाळी पदरी

पडते माझ्या हसे

₱Ɽ₳₮₳₱)

रचनापर्व 

www.prataprachana.blogspot.com

मोहरून

थिजलेल्या माळावरती 

रंगजरीची नक्षी

तुझ्यात बूडल्या सांजेला

हळू उतरती पक्षी

सुकल्या गवतालाही   

सूचती हिरवी गाणे

मोहरून अंतरी येती

बकूळफूलांची पाने

₱Ɽ₳₮₳₱)

रचनापर्व 

www.prataprachana.blogspot.com

महाॠषी

मी कवितेचा सांग

मोजू कसा तळ?

काळजाची कळ

मांडू कशी?

झाडाच्या खाली

लावतो ध्यान

त्याला ना भान

जणू महाॠषी !

₱Ɽ₳₮₳₱)

रचनापर्व 

www.prataprachana.blogspot.com

ओवीला ओवी

सोसावी लागते कळ

आणीक असह्य वेदना

कविता अशी उरातली

ऋषीकुळाची साधना! 

लागते अनाम टाळी

उरात अनंत दाटतो

भक्तपंथी हाकेस जणू

भगवंत मुक्याने भेटतो!

गतजन्माची हाक ही

शब्दांना माझ्या पावते

जणू जात्यावरची जनी

ओवीला ओवी लावते!

₱Ɽ₳₮₳₱)

रचनापर्व 

www.prataprachana.blogspot.com

भरास

भेटीस सय येते

दाटतो मग कंठ

तुकया भरास येथे

तू जणू वैकुंठ!

₱Ɽ₳₮₳₱)

रचनापर्व 

www.prataprachana.blogspot.com

रोखण्या

या प्राचीन पारावरती

तू लावला दिवा

ओंजळ तुझीही दे ना!

ही रोखण्या हवा

₱Ɽ₳₮₳₱)

रचनापर्व 

www.prataprachana.blogspot.com

का?

सुर्य पहा ना कसा
रोज येतो जातो
तुझाच का मग असा
पूनवेचा चांद होतो?


₱Ɽ₳₮₳₱)
रचनापर्व
www.prataprachana.blogspot.com

पडवीला

पडवीला चंद्र बाधतो

अंधार मंतरलेला

अलगद अंगभर घे ना 

तू कृष्णमिठीचा शेला

हळूच पायरवाचे 

हे निनाद कसले येती?

सूर बासरी हळवे

जेंव्हा वाजत होती 

ही मनामनाची गाणी

डोंगरी शिळ घूमते

रात मंतरलेली

पायतळाला शिणते

₱Ɽ₳₮₳₱)

रचनापर्व 

www.prataprachana.blogspot.com

तूझ्या दिठीला

साऊल फुलांची कधी का

सांजेला भाषा कळते?

त्या साठी शैलीदार 

चांदणे दुधी उजळते

लावल्या किती फुलवाती

अंधार डोंगरी हसतो

मी उगवून येण्यासाठी

तूझ्या दिठीला बसतो

₱Ɽ₳₮₳₱)

रचनापर्व 

www.prataprachana.blogspot.com

 

डवरून

फांदीपासून

पान तुटते

झाडाला 

कसली माया

नव्या बहरी

झाड नव्याने

डवरून घेईल

काया 

₱Ɽ₳₮₳₱)

रचनापर्व 

www.prataprachana.blogspot.com

खोटा

ओठा मधली 

शिळ गोठली

सर्द जाहल्या

एकट वाटा

आवाज करतो

रौद्र वारा

देत दिलासा 

निखालस खोटा.......

₱Ɽ₳₮₳₱)

रचनापर्व 

www.prataprachana.blogspot.com